शिवप्रहार न्युज - केसापुरात ०५ बिबट्यांचे दर्शन ०१ रानडुक्कर व ०१ कुत्रा केला फस्त...
Editor Chandu Aage 
केसापुरात ०५ बिबट्यांचे दर्शन ०१ रानडुक्कर व ०१ कुत्रा केला फस्त...
केसापूर -बेलापूर खुर्दला लागून असलेले केसापूर गावातील टाकसाळ वस्तीवर ०५ बिबट्यांचे दर्शन येथील ग्रामस्थांना झाले आहे.यामध्ये दोन नर बिबट्या,एक मादी बिबट्या व दोन पिल्लं यांचा समावेश आहे.
आज दिनांक २६ ऑक्टोबर २०२३ रोजी सकाळी ७ वा पोपट टाकसाळ यांच्या घरापासुन २५ फुटांवर असलेल्या उसात दोन बिबट्यांनी रान डुकराची शिकार केली.यावेळी रानडुक्करांची किंचाळी आणि बिबट्यांच्या डरकाळी चा प्रचंड आवाज झाला.तसेच काल रात्रीच्या सुमारास टाकसाळ यांच्या कुत्र्याचा बळी या बिबट्यांनी घेतला. या टाकसाळ वस्तीवरील अनेक कुत्र्यांवर या बिबट्यांनी हल्ला केला आहे.राहुल टाकसाळ यांना पाच ते सहा वेळेस या बिबट्यांचे दर्शन झाले.
याबाबत गणेश टाकसाळ यांनी "शिवप्रहार न्युज"ला संपर्क साधला असता शिवप्रहार न्यूजचे संपादक चंद्रशेखर आगे यांनी प्रांताधिकारी किरण सावंत पाटील यांना संपर्क करून वनविभागाला तात्काळ पिंजरा लावण्यास सांगावे अशी मागणी ग्रामस्थांच्या वतीने केली.या बिबट्यांमुळे वस्तीवरील नागरिकांमध्ये प्रचंड भितीचे वातावरण पसरले आहे.
