शिवप्रहार न्युज - आयोध्येतील प्रभू श्रीरामांच्या प्राणप्रतिष्ठा निमंत्रण अक्षदा कलशाचे देवगडमध्ये भव्य स्वागत...

आयोध्येतील प्रभू श्रीरामांच्या प्राणप्रतिष्ठा निमंत्रण अक्षदा कलशाचे देवगडमध्ये भव्य स्वागत...

   नेवासा (शिवप्रहार न्युज)- अयोध्येमध्ये प्रभू श्रीरामांच्या प्राणप्रतिष्ठेचा 22 जानेवारी रोजी होणाऱ्या भव्य कार्यक्रमाच्या जिल्ह्यातील संत महात्म्यांना आलेल्या विशेष निमंत्रण पत्रिका व घरोघरी वाटप करण्यात येणाऱ्या अक्षदांच्या कलशाचे नुकतेच देवगड येथे पूजन करून स्वागत करण्यात आले.

  अयोध्या येथे झालेल्या यज्ञा नंतर सर्व भारतामध्ये घरोघरी विश्व हिंदू परिषदेच्यावतीने प्राणप्रतिष्ठा निमंत्रणाच्या अक्षदा देण्यात येणार आहेत. या अक्षदाच्या कलशाचे नगर उत्तरजिल्हा संयोजक श्रीकांत नळकांडे यांच्यासह अमृता नळकांडे, पूजा लष्करे, प्रशांत बहिरट, सोनुभाऊ परदशी, संतोष पंडुरे, आकाश गायकवाड़, शुभम गव्हाणे, यश कदम, आबा मुळे यांनी सकाळी कार्तिकी पौर्णिमेच्या मुहूर्तावर देवगड येथे भगवान दत्तात्रयांना निमंत्रण अक्षदा देण्यात आल्या. तसेच यावेळी भास्करगिरी महाराजांना अक्षदा देऊन नगर उत्तर साठी आलेल्या कलशाचे पूजन करण्यात आले. या कलशाचे देवगड येथे भव्य स्वागत करण्यात आले. 

   भास्करगिरी महाराजांनी स्वतः हा कलश डोक्यावर घेऊन मंदिरामध्ये नेला. संतांना आलेल्या पत्रिकांचे देवगडच्या दत्तात्रयांसमोर पादुकांवर ठेवून भगवान दत्तात्रयांना निमंत्रण दिले तर महंत भास्करगिरी महाराज व महंत प्रकाशनंदगिरी महाराज यांनी सदरच्या पत्रिकांचे पूजन केले. या पत्रकाचे वाटप आता सुरू होणार आहे. नगर उत्तर प्रांताच्या 39 उपखंडांच्या अक्षरांच्या वाटपाचा विशेष कार्यक्रम श्रीरामपूर येथे भास्करगिरी महाराजांच्या हस्ते १३ डिसेंबर रोजी होणार आहे.