शिवप्रहार न्युज - अल्पवयीन मुलीवर बलात्कार करण्यासाठी आरोपीने वापरलेल्या श्रीरामपूरच्या हॉटेल/लॉज मालकास राहुरी पोलीसांकडुन अटक…

अल्पवयीन मुलीवर बलात्कार करण्यासाठी आरोपीने वापरलेल्या श्रीरामपूरच्या हॉटेल/लॉज मालकास राहुरी पोलीसांकडुन अटक…

राहुरी-दिनांक 20/01/2024 रोजी छत्रपती शिवाजी माध्यमिक विद्यालय येथून आरोपी नामे शुभम राजेंद्र सत्रे याने अल्पवयीन मुलीस माझे तुझ्यावर प्रेम आहे आपण पळून जाऊन लग्न करू तू माझ्यासोबत आली नाही तर मी तुझ्या आई-वडिलांना जीवे ठार मारून टाकीन असा दम दिल्याने सदर अल्पवयीन मुलगीस मोटरसायकलवर बसून गुहा येथील मैत्री हॉटेल येथे घेऊन गेला.तेथील हॉटेलचालकानेही सदर अल्पवयीन मुलीच्या वयाची खातर जमा न करता सदर आरोपीस व अल्पवयीन मुलीस हॉटेलच्या खोलीमध्ये प्रवेश दिला. त्यानंतर आरोपी शुभम राजेंद्र सत्रे याने सदर अल्पवयीन मुलीवर लैंगिक अत्याचार करून नंतर तीस नगर येथे मोटरसायकलने घेऊन गेला व तिथून एका चार चाकी वाहनाने अहमदनगर ते बीड या अज्ञात ठिकाणी घेऊन गेला. त्यानंतर सदर बाबत पीडितेच्या घरच्यांना माहिती मिळाल्याने पीडीतीच्या नातेवाईकांनी तिला घरी आणल्यानंतर सदर बाबत माहिती दिल्याने राहुरी पोलीस स्टेशन गु र न 60/24 भारतीय दंड विधान संहितेचे कलम 363,366, 376( 2) बालकांचे लैंगिक अपराधांपासून संरक्षण अधिनियम 2012 कलम 4,8,12 अन्वये गुन्हा दाखल करण्यात आलेला आहे. 

       सदर गुन्ह्यात आरोपी शुभम राजेंद्र सत्रे यास 22/01/2024 रोजी अटक करण्यात आलेली असून त्याची दिनांक 27/01/2024 रोजी पर्यंत पोलिस कस्टडी रिमांड घेण्यात आलेली होती.तसेच गुहा येथील हॉटेल मैत्री पार्क चा हॉटेल मालक आरोपी नामे रवींद्र योसेफ जाधव,रा.वार्ड 07,श्रीरामपूर शहर यास आज दिनांक 03/02/2024 रोजी अटक करण्यात आलेली असून पोलीस कस्टडी रिमांड घेऊन पुढील तपास करत आहोत.

       सदरची कारवाई पोलीस अधीक्षक श्री राकेश ओला, अप्पर पोलीस अधीक्षक, अप्पर पोलीस अधीक्षक श्रीमती स्वाती भोर, विभागीय पोलीस अधिकारी डॉ श्री बसवराज शिवपुजे यांच्या मार्गदर्शनात पोलीस निरीक्षक संजय ठेंगे यांच्या नेतृत्वात पोलीस उपनिरीक्षक एस आर फडोळ , लेखनिक रवींद्र कांबळे , पोशिअमोल गायकवाड यांच्या पथकाने केलेली आहे.

        अल्पवयीन मुलींना फूस लावून पळवून नेणे तथा लैंगिक अत्याचार करणे यावर प्रतिबंध व्हावा म्हणून राहुरी पोलीस स्टेशन हद्दीतील सर्व हॉटेल चालकांना व लॉजिंग मालकांना राहुरी पोलीस स्टेशन मार्फत भारतीय दंड विधान संहिता कलम 149 अन्वये नोटीस देण्यात आलेली आहे की, कुणीही अल्पवयीन मुलींस /घेऊन येणाऱ्या व्यक्तीस हॉटेल लॉज वापरण्याकरिता तसेच सज्ञान व्यक्तींचे ओळखपत्र व मोबाईल नंबरची शहानिशा केल्याशिवाय हॉटेल लॉजेस मध्ये प्रवेश देणार नाही.अन्यथा प्रचलित कायद्यान्वये गुन्हा दाखल करण्यात येईल.सर्वसामान्य आव्हान करण्यात येते की अशाप्रकारे अल्पवयीन मुलींना हॉटेल लॉजिस उपलब्ध करून दिल्या जात असल्यास त्याबाबतची माहिती असल्यास आपण पोलीस स्टेशनला माहिती कळवावी. आपले नाव गोपनीय ठेवण्यात येईल असे आवाहन पो.नि.संजय ठेंगे,राहुरी पो.ठाणे यांनी केले आहे.