शिवप्रहार न्युज - चर्चमध्ये पैसे-चॉकलेटचं आमिष दाखवून अल्पवयीन मुलीचे लैंगिक शोषण…

चर्चमध्ये पैसे-चॉकलेटचं आमिष दाखवून अल्पवयीन मुलीचे लैंगिक शोषण…

 नेवासे -तालुक्यातल्या सोनईजवळील बेल्हेकरवाडी परिसरात असलेल्या विलियर्ड्स चर्चमध्ये गेल्या अनेक दिवसांपासून वाईट प्रकार चालत असल्याची स्थानिक रहिवाशांमध्ये दबक्या आवाजात चर्चा होती. मात्र ही गंभीर बाब (दि. १५) सायंकाळी पाचच्या सुमारास चव्हाट्यावर आली आणि या चर्चमध्ये धार्मिक कार्यक्रमाच्या नावाखाली अल्पवयीन मुलीचं लैंगिक शोषण होत असल्याचं स्पष्ट झालं.या चर्चच्या परिसरात वैरागर नावाचा नराधम पाचव्या इयत्तेतील अल्पवयीन मुलीचं लैंगिक शोषण करत असल्याचं स्थानिक जागरुक ग्रामस्थांना समजताच काही युवकांनी त्या प्रकाराचं गुपचूप व्हिडिओ चित्रीकरण केलं.तो व्हिडिओ सोनई पोलिसांना देण्यात आला. 

       घटनेचं गांभीर्य ओळखून सोनई पोलिसांनी नराधम वैरागर नावाच्या माणसाला तात्काळ अटक केल्याची माहिती मिळत आहे. रात्री उशिरा याप्रकरणी पोस्को अंतर्गत गुन्हा दाखल करण्यात आला. वैरागर यानं अल्पवयीन मुलीला पैसे आणि चॉकलेटचं आमिष दाखवून तिचं लैंगिक शोषण केलं. (दि. १५) दुपारी अडीचच्या सुमारास हा प्रकार घडला. मात्र तो स्थानिक ग्रामस्थांच्या उशिरा निदर्शनास आला. या घाणेरड्या प्रकाराची माहिती समजताच सोनई पोलीस ठाण्यात सकल हिंदू समाज बांधवांसह हजारो तरुणांनी संबंधित नराधमाविरुध्द गुन्हा दाखल करण्याची मागणी करत सोनई पोलीस ठाण्याच्या आवारात ठिय्या आंदोलन केलं.