शिवप्रहार न्युज - तरूणाचा खून करून तुकडे पाटात फेकले; प्रचंड खळबळ…
Editor Chandu Aage 
तरूणाचा खून करून तुकडे पाटात फेकले; प्रचंड खळबळ…
नेवासा (शिवप्रहार न्युज)- नेवासा तालुक्यातील देडगाव येथे 25 ते 30 वर्षे वयाच्या तरुणाचा खून करून त्याच्या मृतदेहाचे तुकडे पाटात फेकल्याचा खळबळजनक प्रकार समोर आला आहे.
देडगाव येथे पाटामध्ये मानवी शरीराचा कुजलेला तुकडा तरंगताना दिसून आला. त्यानंतर पुढे काही अंतरावर एका गोणीमध्ये तरुणाचे मुंडके तसेच कुजलेले शरीराचे अवयव मिळून आले आहे. याप्रकरणी देडगावचे पोलीस पाटील ससाणे यांनी नेवासा पोलिसात फिर्याद दिल्यावरून तरुणाचा खून करून पुरावे नष्ट करण्यासाठी मृतदेहाचे अवयव पाटात टाकल्या प्रकरणी अज्ञात आरोपीविरुद्ध भादवि कलम 302, 201 प्रमाणे गुन्हा दाखल करण्यात आला आहे.
घटनास्थळी श्रीरामपूरचे अपर पोलीस अधीक्षक वैभव कलुबर्मे, डीवायएसपी सुनील पाटील यांनी भेट दिली असून पुढील तपास पोलीस निरीक्षक धनंजय जाधव यांच्या मार्गदर्शनाखाली नेवासा पोलीस करत आहे.
