शिवप्रहार न्युज - शेतात महिलेवर बलात्कार! येणगेला अटक ! छेडछाडीच्या त्रासातून विद्यार्थीनीची रेल्वेखाली उडी!
Editor Chandu Aage 
शेतात महिलेवर बलात्कार! येणगेला अटक ! छेडछाडीच्या त्रासातून विद्यार्थीनीची रेल्वेखाली उडी!
श्रीरामपूर / राहुरी (शिवप्रहार न्युज) - श्रीरामपूर - गणेशनगर रस्त्यालगत असलेल्या वाकडी शिवारात द्राक्षाच्या बागेत खुरपणी करत असलेल्या ३५ वर्ष वयाच्या तरुण महिलेला भरदुपारी १२ च्या सुमारास ऊसाचे शेतात ओढत नेवून तिच्यावर बळजबरीने अत्याचार बलात्कार करण्यात आला .या खळबळजनक घटनेतील पीडीत महिलेने श्रीरामपूर तालुका पोलीसात फिर्याद दिल्यावरून लिंगपिसाट आरोपी किशोर कारभारी येणगे रा .वाकडी शिवार याच्या विरुद्ध भारतीय न्या.सं. २०२३ चे कलम ६४, ३५१.(२) प्रमाणे बलात्काराचा गुन्हा दाखल करण्यात आला आहे.
श्रीरामपूर तालुका पोलीसांशी संपर्क साधला असता आरोपी किशोर येणगे याला अटक करण्यात आली असल्याचे पोनि चौधरी यांनी आमचे प्रतिनिधीशी बोलतांना सांगीतले . पोलिसांनी तातडीने तपासचक्रे फिरविल्याने आरोपीला फरार होता आले नाही .
दरम्यान काल दुसरी अतिशय भयानक व पालकांची झोप उडवणारी घटना राहुरी तालुक्यात टाकळीमिया परिसरात घडली. ०२ तरुण पाठलाग करून नेहमी क्लासला जाणाऱ्‍या विद्यार्थिनीला छेडछाड करायचे,बळजबरीने बोलायचे या त्रासाला कंटाळून जागृती नावाच्या तरुणीने रेल्वे खाली उडी घेवून आपले जीवन संपविले. या खळबळजनक धक्कादायक घटनेप्रकरणी मुलीच्या आईने राहुरी पोलीसात फिर्याद दिल्या वरून देवळाली प्रवरा येथील आरोपी संसारे व कसबे या दोघांविरुद्ध कलम ३०६ ,३४ प्रमाणे गुन्हा दाखल करण्यात आला असून आरोंपीना अटक झाली किवा काय ? या संबंधी पोनि ठेंगे यांच्याशी संपर्क साधला असता ते एका महत्वाच्या मिटींगमध्ये असल्याचे सांगण्यात आले .
छेडछाडीला कंटाळून मुलीने रेल्वेखाली उडी घेतल्याने तालुक्यातील पालक वर्गात खळबळ उडाली आहे .
