शिवप्रहार न्यूज- श्रीरामपूर शहरात २० वर्षीय विद्यार्थिनीची ०२ तरुणांच्या त्रासामुळे आत्महत्या…

श्रीरामपूर शहरात २० वर्षीय विद्यार्थिनीची ०२ तरुणांच्या त्रासामुळे आत्महत्या…

 श्रीरामपूर - श्रीरामपूर शहरात वार्ड नंबर सहा परिसरात राहणारे सामाजिक कार्यकर्ते पुंडलिक खरे यांची नात प्रेरणा प्रकाश नेटके,वय -वर्ष 20 हि मेडिकलमध्ये गेली असता आरोपी साई सागर निमोणकर व त्याचा साथीदार तन्मय अनिल सोनकांबळे यांनी शिवीगाळ केली या कारणावरून पोलिसात या दोघांविरुद्ध विद्यार्थिनीने तक्रार दिली होती.त्यानंतर पुन्हा आरोपींनी प्रेरणा प्रकाश नेटके या विद्यार्थिनीस तू साईच्या आईला काय सांगत होती असे म्हणून शिवीगाळ करत तरुण विद्यार्थीनीला जीवे ठार मारण्याची धमकी दिली या त्रासातून तिने राहत्या घरात साडीने गळफास घेवुन आत्महत्या केली.

        या प्रकरणी प्रेरणा नेटके हिचे आजोबा पुंडलिक खरे यांनी श्रीरामपूर शहर पोलिसात तक्रार दिल्यावरून आरोपी साई सागर निमोणकर व तन्मय अनिल सोनकांबळे,दोघे राहणार- सुभाष कॉलनी,श्रीरामपूर यांच्याविरुद्ध भादवि कलम ३०६, ५०४,५०६, ३४ प्रमाणे आत्महत्येस प्रवृत्त केल्याचा गुन्हा दाखल करण्यात आला असून एका आरोपीला अटक करण्यात आली असून फरार आरोपीचा पोनि. संजय सानप यांच्या मार्गदर्शनाखाली सपोनि देवरे कसून शोध घेत आहे.

      एका नीट च्या परीक्षेची तयारी करणाऱ्या विद्यार्थिनीला परिसरातीलच दोघा तरुणांनी त्रास देवुन धमकावल्याने तिने आत्महत्या केली. या घटनेने परिसरासह शहरातील पालक वर्गात खळबळ उडाली आहे.