शिवप्रहार न्युज - “तुझ्यावर आत्याचार करुन पैसे वसूल करील”असे अश्लील वक्तव्य करणारा श्रीरामपूर पोलीसांकडुन अटकेत…

“तुझ्यावर आत्याचार करुन पैसे वसूल करील”असे अश्लील वक्तव्य करणारा श्रीरामपूर पोलीसांकडुन अटकेत…

श्रीरामपूर (शिवप्रहार न्युज)- एका २१ वर्षीय महिलेला व तिच्या नवऱ्याला शिवीगाळ करत तसेच लज्जाउत्पन्न होईल अशा प्रकारे हात धरुन,”मला १० हजार रुपये महिना द्या नाही तर मी तुझ्यावर आत्याचार करुन पैसे वसूल करील” असे म्हणत जातीवाचक शिवीगाळ करण्याचा प्रकार शहरातील वॉर्ड नं. १ मध्ये घडला. त्याप्रकरणी मागच्या आठवड्यात ॲट्रॉसिटीचा गुन्हा देखील दाखल करण्यात आला.तरी यातील आरोपी तनजील गफार खान,रा-श्रीरामपूर याच्या श्रीरामपूर पोलीसांनी मुसक्या आवळल्या आहेत.

         याबाबत २१ वर्षीय विवाहित तरुणीने पोलिसात फिर्याद दिली आहे. त्यात म्हटले आहे,”आपण वॉर्ड नं. १ जुनी पोलीस लाईन येथे रहायला असून घरी असताना सकाळी ११ च्या सुमारास आपण घरासमोरुन झाडून घेत असताना तनजील गफार खान हा लांबूनच मला व माझ्या पतीला शिवीगाळ करत होता. तेंव्हा तू विनाकारण शिवीगाळ का करतो ? असे आपण त्याला म्हणाल्याचा राग आल्याने त्याने माझा हात धरुन मला लज्जाउत्पन्न होईल असे कृत्य करत बळजबरीने घरात ओढून नेऊन लाथाबुक्क्याने आपल्याला मारहाण केली. तेव्हा मी आरडा ओरडा केला असता शेजारी असणारी मुलगी तेथे आली असता त्याने तिलाही ढकलून दिले. यावेळी तनजील खान याने जातीवाचक शिवीगाळ करत “तुमची औकात नाही, तुम्ही भीक मागून खाणारे लोक आहात असे म्हणत “तुम्ही मला १० हजार रुपये महिना द्या नाही तर तुमच्यावर आत्याचार करुन पैसे वसूल करेल” अशी धमकी दिल्याचे फिर्यादीत म्हटले आहे. 

         सदर फिर्यादीवरुन पोलिसांनी तनजील गफार खान याच्या विरोधात अनुसूचीत जाती आणि जमाती अत्याचार प्रतिबंधक अधिनियम तसेच भान्यासं कायदा अन्वये गुन्हा दाखल करुन आरोपीला तात्काळ अटक देखील केली आहे. तरी पुढील तपास श्रीरामपूर शहर पोलीस करीत आहेत.