शिवप्रहार न्युज - नगर उड्डाण पुलावरून कोसळला ट्रक...
Editor Chandu Aage 
नगर उड्डाण पुलावरून कोसळला ट्रक...
अहिल्यानगर (शिवप्रहार न्यूज)- नगर शहरातील उड्डाण पुलावरून आयशर ट्रक खाली कोसळल्याची घटना आज बुधवारी सायंकाळी घडली. छत्रपती संभाजीनगरमधून प्लंबिंग चे सामान घेऊन पुण्याच्या दिशेने निघालेला आयशर ट्रक नगरमध्ये आला असता हा आयशर ट्रक शहरातील उड्डाण पुलावरील वळणावरून थेट खाली पडला. या भीषण अपघातात दोघेजण गंभीर जखमी झाले आहेत.
सुदैवाने या आयशर ट्रक खाली कुणी नागरिक किंवा वाहन आले नाही अन्यथा मोठा अनर्थ होऊन जीवितहानी झाली असती. उड्डाण पुलावरून आयशर ट्रक पडल्याचे समजताच नागरिकांनी मोठी गर्दी केली होती. प्रशासनाकडून क्रेनच्या साह्याने आयशर ट्रक हलवण्यात आला.
