शिवप्रहार न्यूज- सामान आणायला गेलेली तरुणी बेपत्ता; दुसऱ्या घटनेत बुलेट चोरीला तर तिसऱ्या घटनेत गोमांस पकडले…
Editor Chandu Aage 
सामान आणायला गेलेली तरुणी बेपत्ता; दुसऱ्या घटनेत बुलेट चोरीला तर तिसऱ्या घटनेत गोमांस पकडले…
श्रीरामपूर- श्रीरामपूर तालुक्यातील उंदीरगाव येथील राजवाडा परिसरात राहणारी एक अल्पवयीन मुलगी रेशनचे सामान आणायला जाते असे म्हणून घराबाहेर पडली व त्यानंतर बेपत्ता झाली.याबाबत काल तिच्या वडिलांच्या तक्रारीवरून अज्ञात आरोपी विरोधात अपहरणाचा गुन्हा श्रीरामपूर तालुका पोलीस ठाण्यात दाखल करण्यात आला आहे.
दुसऱ्या घटनेत श्रीरामपूर शहरातील वार्ड नंबर सात भागातील बोरावकेनगर येथे राहणारे प्रसाद राऊत यांची 70 हजार रुपये किमतीची काळ्या रंगाची बुलेट क्रमांक एम.एच17डिके8999 हि बडाख हॉस्पिटल शेजारून अज्ञात चोरट्यांनी चोरून नेली.त्याबाबत शहर पोलिसात चोरीचा गुन्हा दाखल करण्यात आला आहे.
तर तिसऱ्या घटनेत श्रीरामपूर शहराजवळील टिळकनगर परिसरात 150 किलो गोमांस पकडण्यात आले असुन याप्रकरणी पोलीस शिपाई खरात यांच्या फिर्यादीवरून आरोपी फिरोज कुरेशी, राहणार -काजीबाबा रोड, वॉर्ड नंबर 2,श्रीरामपूर याच्या विरोधात महाराष्ट्र प्राणी संरक्षण अधिनियमातील कलमांन्वये गुन्हा दाखल करण्यात आला आहे.
