शिवप्रहार न्युज - श्रीरामपूर तालुक्यात बजरंगबलीच्या मूर्तीला वाहिले अंडे;गावातून निषेध...
Editor Chandu Aage 
श्रीरामपूर तालुक्यात बजरंगबलीच्या मूर्तीला वाहिले अंडे;गावातून निषेध...
श्रीरामपूर -श्रीरामपूर तालुक्यातील मुठेवडगाव येथील जागृत देवस्थान असलेल्या महाबली हनुमंताच्या मंदिरामध्ये आज बुधवार दिनांक 18 सप्टेंबर 2024 रोजी एका माथेफिरूने महाबली हनुमानाच्या मूर्तीला अंडे अर्पण केले आणि त्या अंड्यावर गुलाल टाकून त्या ठिकाणी ते नैवेद्य अर्पण केल्यासारखे बजरंगबलीच्या चरणी ठेवले.
ही घटना कळतात गावातील हनुमान भक्तांमध्ये खळबळ उडाली.गावातील भक्त परिवाराकडून या घटनेचा निषेध करण्यात आला आहे.दरम्यान अधिक माहिती अशी समजते की,श्रीरामपूर तालुका पोलिसांनी दीपक नावाच्या व्यक्तीला या प्रकरणी गावातून ताब्यात घेतले आहे.हा नेमका काय प्रकार आहे ? अंधश्रद्धा आहे का अजून काही ?त्याचा तपास पोलीस करत आहे.पोलीस स्टेशनला मुठेवडगाव ग्रामस्थ मोठ्या संख्येने उपस्थित असल्याचे समजते.
