शिवप्रहार न्युज - शिर्डी संस्थानच्या कर्मचाऱ्याचा श्रीरामपुरात बुडून मृत्यू...
Editor Chandu Aage 
शिर्डी संस्थानच्या कर्मचाऱ्याचा श्रीरामपुरात बुडून मृत्यू...
श्रीरामपूर (शिवप्रहार न्युज)- श्रीरामपुरातील गोंधवणी परिसरातील स्वप्ननगरी हाउसिंगच्या मागील बाजूस असलेल्या तळ्यात बुडून राहाता तालुक्यातील साकुरी येथील व शिर्डी साईबाबा संस्थांनच्या आरोग्य विभागात काम करणाऱ्या तरुणाचा मृत्यू झाल्याची घटना घडली आहे. याप्रकरणी श्रीरामपूर शहर पोलिस ठाण्यात आकस्मात मृत्यूची नोंद करण्यात आली आहे.
राहाता तालुक्यातील साकुरी येथील विकी उर्फ पप्पू शिंदे (वय २८) हा श्रीरामपूर येथे असलेल्या त्याच्या नातेवाईकाकडे आला होता. काल दुपारच्या सुमारास विकी उर्फ पप्पू शिंदे याचा मृतदेह श्रीरामपूरचे तळ्यात आढळून आला.घटनेची माहिती मिळताच श्रीरामपूर शहर पोलिसांनी घटनास्थळी येऊन पाहणी केली. सदर तरुणाचा मृतदेह पाण्याबाहेर काढून पंचनामा करण्यात आला. घटनास्थळी परिसरातील नागरिकांची मोठी गर्दी झाली होती. याप्रकरणी श्रीरामपूर शहर पोलिस ठाण्यात आकस्मात मृत्यूची नोंद करण्यात आली आहे.
या प्रकरणाचा पुढील तपास शहर पोलीस करत आहे.
