शिवप्रहार न्यूज- ०३ विवाहित तरुणींची आत्महत्या ! तर विवाहित तरुणाचा गळफास !! 

०३ विवाहित तरुणींची आत्महत्या ! तर विवाहित तरुणाचा गळफास !! 

संगमनेर / नगर / नेवासा (शिवप्रहार न्यूज ) नगर जिल्ह्यात तीन दिवसात तीन घटनांमध्ये तीन तरुणींनी गळफास घेऊन आत्महत्या केली.तर एका विवाहित तरुणाने गळफास घेवून आत्महत्या केली .

    याबाबत अधिक माहिती अशी की,संगमनेर तालुक्यातील लहु बापू पवार याने बायको सासू-सासरा यांच्या त्रासास कंटाळून आत्महत्या केली.त्याचे कामाचे पैसे घ्यायचे ,त्याला उपाशी ठेवायचे व शारीरिक मानसिक छळ करायचे या प्रकरणी मयत लहू यांच्या आई अलका पवार यांनी संगमनेर शहर पोलीसात फिर्याद दिल्या वरूनआरोपी बायको काजल लहू पवार ,सासू अनिता धोत्रे ,सासरा चंद्रकांत धोत्रे ,राहणार- कतार गल्ली ,संगमनेर यांच्याविरुद्ध आत्महत्येस प्रवृत्त केल्याचा गुन्हा दाखल झाला आहे.पोनि भोसले यांच्या मार्गदर्शनाखाली जाधव पुढील तपास करीत आहे . 

     दुसऱ्या घटनेत शेवगाव तालुक्यात कविता भारत वंजारी, वय 33 हिने सासरी होणाऱ्या छळाला कंटाळून आत्महत्या केली ,विष पिले !या प्रकरणी कविता हिचा भाऊ राजाभाऊ माळी यांच्या फिर्यादीवरून आरोपी सासू छबुबाई वंजारी ,नवरा भारत सखाराम वंजारी, दीर तुळशीराम वंजारी, ननंद संगीता अंकुश गायकवाड यांच्याविरुद्ध शेवगाव पोलिसात भादवि कलम ३०६ .४९८ अ ३४ प्रमाणे गुन्हा दाखल झाला.पोनि पुजारी यांच्या मार्गदर्शनाखाली सपोनि पावरा हे पुढील तपास करीत आहे.

     श्रीगोंदा तालुक्यात एका सतरा वर्ष वयाच्या मुलीला प्रेमाच्या जाळ्यात अडकवून तिला पुण्यात नेऊन प्रेमविवाह करून आरोपी करण संभाजी कुंदाडे, रा भानगांव यांने दुसऱ्या मुलीशी प्रेम विवाह निर्माण करून सोनाली नावाच्या अल्पवयीन तरुणीचा शारीरिक व मानसिक छळ केला.त्यातून तिने गळफास घेवून आत्महत्या केली तशी तिने चिठ्ठी लिहून ठेवली .यावरून आरोपी करण संभाजी कुंदाडे याच्या विरुद्ध श्रीगोंदा पोलिसात भादवि कलम 306 प्रमाणे गुन्हा दाखल करण्यात आला.पोनि ढिकले यांच्या मार्गदर्शनाखाली पोसई सूर्यवंशी हे पुढील तपास करीत आहे .     

      श्रीगोंदा परिसरातील शनी चौक येथे राहणारी जयश्री रामदास भोसले हीने नवरा व इतर जणांच्या त्रासाला कंटाळून आत्महत्या केली. या प्रकरणी ताराबाई चव्हाण यांच्या फिर्यादीवरून आरोपी नवरा रामदास भोसले ,सुकली चव्हाण, काका काळे,यावा काळे,कवी चव्हाण,घुगलवडगाव ,तालुका श्रीगोंदा यांच्याविरुद्ध आत्महत्या करण्यास प्रवृत्त केल्याचा गुन्हा दाखल झाला आहे.पोनि ढिकले यांच्या मार्गदर्शनाखाली सपोनी जाणकार हे पुढील तपास करीत आहे .