शिवप्रहार न्यूज -आठ गुन्हे करणाऱ्या सराईत गुन्हेगाराला हातात तलवार घेवुन फिरतांना श्रीरामपुरात अटक...

आठ गुन्हे करणाऱ्या सराईत गुन्हेगाराला हातात तलवार घेवुन फिरतांना श्रीरामपुरात अटक...

श्रीरामपूर -श्रीरामपूर शहर पोलीस स्टेशनचे पोलीस निरीक्षक श्री. संजय सानप यांना गुप्त बातमीदारा मार्फत बातमी मिळाली की,एक इसम औद्योगिक वसाहत परिसरात हातात धारदार तलवार घेऊन फिरत आहे. अशी बातमी मिळाल्याने पोलीस सदर इसमाचा शोध घेण्यासाठी नेवासा रोडवरील औद्योगिक वसाहत परिसरात गेले. सदर ठिकाणी एक इसम समोरून हातात तलवार घेऊन येताना दिसला. त्यावेळी त्याला थांबण्याचा इशारा केला असता तो पळू लागला त्यावेळी पोलिसांनी त्याचा पाठलाग करून त्याला शिताफीने पकडले. त्याला त्याचे नाव- गाव विचारल्यावर त्याने नाव दीपक बबन जाधव,राहणार- सुभाष कॉलनी,वाड नंबर 7,श्रीरामपूर असे सांगितले. 

         यावेळी पोलिसांनी पंचांसमक्ष त्याची झडती घेतली. तेव्हा त्याच्या ताब्यात धारदार तलवार मिळून आली. त्यावरून श्रीरामपूर शहर पोलीस ठाण्यात पोलीस शिपाई गोसावी यांनी दिलेल्या तक्रारीवरून गुन्हा दाखल करण्यात आला आहे. सदर आरोपी विरोधात श्रीरामपूर शहर पोलीस ठाण्यात 07 व राहुरी पोलीस ठाण्यात 01 असे एकूण आठ गुन्हे दाखल आहेत.

      सदरची कारवाई पोलिस अधीक्षक श्री.मनोज पाटील,अपर पोलीस अधीक्षक श्रीमती दिपाली काळे, पोलीस उपाधीक्षक श्री.संदीप मिटके, पोलीस निरीक्षक श्री.संजय सानप यांच्या मार्गदर्शनाखाली पोलीस हवालदार साळवी,पोलीस नाईक कोरडे, पोलीस नाईक करमल,पोलीस शिपाई गोसावी,पोलीस शिपाई पवार,पोलीस शिपाई नरवडे,पोलीस शिपाई दिघे,पोलीस शिपाई जाधव व अप्पर पोलीस अधीक्षक कार्यालयातील पोलीस नाईक शेख यांच्या पथकाने केली.

      गेल्या महिन्यामध्ये श्रीरामपूर शहर पोलिसांनी एकूण सहा तलवारी पकडल्या होत्या.त्यानंतर या महिन्याच्या सुरुवातीलाच श्रीरामपूर पोलिसांनी एक तलवार पकडली आहे.