शिवप्रहार न्यूज- दाढ गावात किराणा दुकानदाराकडून पोलिसाला मारहाण...
Editor Chandu Aage 
दाढ गावात किराणा दुकानदाराकडून पोलिसाला मारहाण...
राहता- राहाता तालुक्यातील दाढ गावातील वीरभद्र मंदिराच्या समोर असलेल्या वीरभद्र किराणा दुकानाचे मालक गणेश जेजुरकर ,पप्पू टाक, रवींद्र टाक, रावसाहेब जेजुरकर यांनी त्यांचे किराणा दुकान कोरोना नियमांचे उल्लंघन करून चालू ठेवले होते.
त्यामुळे पोलिसांनी त्यांना दुकान बंद करण्यास सांगितले असता वरील आरोपींनी पोलीस नाईक संतोष लांडे यांना वाईट वाईट शिवीगाळ करून,त्यांच्यावर हल्ला करून,त्यांची कॉलर पकडून धक्काबुक्की केली.
तसेच आरोपींनी मिळून कोपराने पोलीस लांडे यांच्या बरगडीवर जोरात मारहाण करून फिर्यादी पोलीस लांडे यांना जखमी केले.त्यामुळे फिर्यादी पोलीस नाईक लांडे यांनी वरील चारही आरोपींच्या विरोधात सरकारी कामात अडथळा आणल्याचा गुन्हा लोणी पोलीस ठाण्यात दाखल केला आहे.
