शिवप्रहार न्यूज- डिवाएसपी मिटकेंवर गोळीबार करणाऱ्या एपीआयला अटक...
Editor Chandu Aage 
डिवाएसपी मिटकेंवर गोळीबार करणाऱ्या एपीआयला अटक...
राहुरी -राहुरी तालुक्यातील दिग्रस येथील एका महिलेला व तिच्या परिवाराला बंदुकीचा धाक दाखवून वेठीस धरणारा व विनयभंगासह इतर कलमान्वये दाखल गुन्हा मागे घेण्यास सांगणारा आरोपी तथा निलंबित एपीआय सुनील लोखंडे याला पोलिसांनी तात्काळ अटक केली आहे.
या महिलेला गुन्हा मागे घेण्यासाठी पिस्तुलाचा धाक दाखवून तिच्या परिवाराला वेठीस धरून ठेवणारा आरोपी लोखंडे याला पकडत असताना त्याने श्रीरामपूर उपविभागाचे डीवायएसपी श्री.संदीप मिटके यांच्यावर एक राऊंड फायर केला. या हल्ल्यातून श्री.संदीप मिटके थोडक्यात बचावले.
तरी या गुन्ह्यातील आरोपीला पोलिसांनी पोलीस अधीक्षक श्री.मनोज पाटील,अप्पर पोलीस अधीक्षक श्रीमती डॉक्टर दिपाली काळे यांच्या मार्गदर्शनाखाली अगदी तात्काळ अटक केली आहे.या निलंबित एपीआयवर या पूर्वी दोन गुन्हे दाखल आहेत.
या घटनेची माहिती मिळताच नाशिक परिक्षेत्राचे पोलीस महानिरीक्षक श्री.बी.जी.शेखर यांनी तात्काळ घटनास्थळी भेट दिली व नगर पोलिसांच्या कामगिरीचे कौतुक केले.
