शिवप्रहार न्यूज- श्रीरामपुरात नागरिकांच्या दक्षतेने अनर्थ टळला…
Editor Chandu Aage 
श्रीरामपुरात नागरिकांच्या दक्षतेने अनर्थ टळला…
श्रीरामपूर-काल रात्री आठ वाजता छत्रपती शिवाजी महाराज रस्त्यावरील महाराष्ट्र बॅंकेजवळ असणा-या डिपीच्या मुख्य वीजवाहक ताराकडून येणा-या वीजप्रवाहात अडथळा निर्माण झाल्याने जाळ सुरू झाला.तो जाळ पाहून रस्त्याने जाणा-या एका मनोरुग्णाने त्या डिपीखाली असलेला खटका जोरात वरखाली केला.त्यामुळे जाळ मोठ्या प्रमाणात वाढला.यावेळी जवळपास असलेल्या नागरीकांनी त्या मनोरुग्णाला बाजूला केले.
घटनेचे गांभीर्य ओळखून बडोदा बॅंकेजवळ ऊभे असलेले सचिन शेळके,बाळासाहेब जपे यांनी महावितरण कार्यालयात तात्काळ संपर्क केला व काही वेळातच महावितरण कर्मचारी घटनास्थळी दाखल झाले.त्यांनी सुतगिरणी येथील कार्यालयाशी संपर्क करून मुख्यवीजप्रवाह बंद करून त्या डिपीचा प्रवाह बंद केला. साधारण तासाभरात नऊ वाजता वीजप्रवाह सुरू झाला व हानी टळली.
तरी असे ऊघडे असलेले डीपी जवळचे फ्यूजबॅाक्स व खटके यांना संरक्षित करणे गरजेचे आहे नाहीतर धोके टाळणे अवघड होईल.
