शिवप्रहार न्यूज - भावाने बहिणीचे दागिने चोरले; तिघांवर गुन्हा दाखल

भावाने बहिणीचे दागिने चोरले; तिघांवर गुन्हा दाखल

श्रीरामपूर (शिवप्रहार न्युज) - बहिणीने घरातील कपाटात ठेवलेले ५१ हजार रूपयांचे दागिने भावाने चोरून नेण्याचा प्रकार घडला असून बेलापूर येथील महिलेच्या तक्रारीवरून पोलिसांनी सदर महिलेचा भाऊ आणि वडीलांच्या विरोधात चोरीचा गुन्हा दाखल केला आहे.

  याबाबत, संगिता बाळासाहेब शेळके, वय ४२, धंदा-घरकाम, रा. पाहुणेनगर, बेलापूर बु. या महिलेने दिलेल्या फिर्यादीत म्हटले आहे की, दि. २९ जानेवारी रोजी सकाळी १० च्या सुमारास संगिता शेळके यांच्या पाहुणेनगर येथील घरात कपाटात ठेवलेले ५१ हजार रूपयांचे दागिने त्यात २० हजार रूपयांचे १ तोळयाचे नेकलेस, २५ हजार रूपयांचे सोन्याचे मनी, तसेच ४ हजार रूपयांच्या कानातील रिंगा, आणि ३ हजार रूपयांचे कुडकं असे दागिने माझा भाऊ अरूण उत्तम ब्राम्हणे, रा.पाहुणेनगर, बेलापूर बु. याने कपाटातून चोरून नेले आणि वडील उत्तम गोविंदराव ब्राम्हणे तसेच संतोष नानासाहेब थोरात, रा.उक्कलगाव यांच्याकडे दिले असावेत. असे म्हटले आहे. या फिर्यादीवरून पोलिसांनी अरूण उत्तम ब्राम्हणे, उत्तम गोविंद ब्राम्हणे, दोघे रा. पाहुणेनगर, बेलापूर बु. आणि संतोष नानासाहेब थोरात, रा.उक्कलगाव यांच्याविरूद्ध भादंवि कलम ३८० प्रमाणे गुन्हा दाखल केला असून पुढील तपास पोलिस निरिक्षक हर्षवर्धन गवळी यांच्या मार्गदर्शनाखाली श्रीरामपूर शहर पोलीस करीत आहे.