शिवप्रहार न्यूज- शिवप्रहार प्रतिष्ठानच्या मावळ्यांमुळे गंभीर जखमी गाईला मिळाले वेळेवर उपचार…
Editor Chandu Aage 
शिवप्रहार प्रतिष्ठानच्या मावळ्यांमुळे गंभीर जखमी गाईला मिळाले वेळेवर उपचार…
श्रीरामपूर - श्रीरामपूर शहरातील कॅालेजरोड परिसरातील रेव्हेन्यू कॉलनी भागामध्ये एक लहान गाय/कालवड अतिशय गंभीर जखमी अवस्थेत पडलेली असल्याची माहिती सुमित नरवडे यांनी आज सकाळी शिवप्रहार प्रतिष्ठानच्या कार्यालयास कळवली.
त्यानुसार तात्काळ शिवप्रहार प्रतिष्ठानचे मावळे गुरु आगे,प्रकाश चव्हाण,ओंकार जाधव त्या ठिकाणी पोहोचले.त्यानंतर “शिवप्रहार प्रतिष्ठान” च्या माध्यमातून श्रीरामपूर चे तहसीलदार श्री.प्रशांत पाटील यांच्याशी संपर्क साधण्यात आल्यानंतर पशुवैद्यकीय अधिकारी श्री.डॉ.कोते हे घटनास्थळी दाखल झाले.त्यांनी प्रकाश चव्हाण,ओमकार जाधव,गुरु आगे यांची मदत घेऊन गाईच्या उपचारासाठी दोन इंजेक्शन देऊन जखमांची मलमपट्टी केली.
उपचार झाल्यानंतर नगरपालिकेच्या आरोग्य विभागाकडे या गाईला सुपूर्त करण्यात आले.यावेळी आरपीआय नेते रितेश एडके, रमेश शिंदे ,बंटी गोसावी, पियुष जाधव, आशिष दुशिंग,चेतन बोखोडे,जीशान ,आशपाक शेख इत्यादींनी सहकार्य केले.
