शिवप्रहार न्यूज- दारू पिलेल्या बापाचा मुलाने केला खून !
Editor Chandu Aage 
दारू पिलेल्या बापाचा मुलाने केला खून !
शिर्डी ( शिवप्रहार न्युज ) -दारू पिवुन मुलाला शिवीगाळ करत मारहाण करणाऱ्या बापाचा मुलाने दांडयाने खून आहे.कोपरगांव तालुक्यातील जवळके येथे हा भयंकर प्रकार घडला. येथे राहणारे सखाहरी चंदू थोरात, वय ८० वर्षे हे नेहमीप्रमाणे दारू पिवुन घरी आले.त्यांनी त्याचा सख्खा मुलगा सुरेश सखाहरी थोरात ,वय ४८ याला शिवीगाळ करत दांड्याने मारहाण केली.याचा राग आल्याने मुलगा सुरेश थोरात याने वडील सखाहरी थोरात यांना लाकडी दांड्याने डोक्यात हातावर पायावर बेदम मारहान करूण जीवे ठार मारून खुन केला.
मुलगा सुरेश याने तशी कबुली दिली आहे. सपोनि संभाजी पाटील यांचे फिर्यादी वरून आरोपी मुलगा सुरेश सखाहरी थोरात याच्यावर भादवि कलम ३०२ प्रमाणे शिर्डी पोलीसात खुनाचा गुन्हा दाखल करण्यात आला.आरोपी सुरेश थोरातला पोलीसांनी अटक केली असून पोनि पाटील हे पुढील तपास करीत आहे . दारु पिवुन मुलाला शिवीगाळ मारहाण करणे वडीलाच्या जिवावर बेतले.
