शिवप्रहार न्यूज - सोनईमध्ये स्टाफ नर्सवर बलात्कार धमकी !नगरमध्ये पुन्हा दोघांचा बलात्कार ।

सोनईमध्ये स्टाफ नर्सवर बलात्कार धमकी !नगरमध्ये पुन्हा दोघांचा बलात्कार ।

सोनई / नगर (शिवप्रहार न्यूज ) नेवासा तालुक्यातील सोनई परिसरात एका लॅब मध्ये तसेच दोन हॉस्पिटलमध्ये एका तरुण अविवाहित नर्सवर मी तुझ्याशी लग्न करीन असे म्हणत वेळोवेळी गणेश जंगले या तरुणांने तिच्यावर इच्छेविरुद्ध बळजबरीने बलात्कार केला.तसेच राहुरी येथे त्याच्या घरी नेऊनही तरुणीवर बलात्कार केला . आरोपी एवढ्यावरच थांबला नाही तर त्याने तरुणीला गर्भपाताच्या गोळ्या खाऊ घातल्या व तिचा गर्भ पाडला .     

     याप्रकरणी पीडित तरुणीने आरोपी गणेश मच्छिंद्र जंगले याला तु मला गोळ्या का खाऊ घातल्या ,माझ्याशी लग्न कर असा जाब विचारला असता त्याने धमकी दिली तर त्याचा भाऊ अनिल मच्छिंद्र जंगले याने जातिवाचक शिवीगाळ करून मारहाण केली व धमकी दिली.पीडित तरुणीने काल वरील प्रमाणे सोनई पोलिसात फिर्याद दिल्यावरून आरोपी गणेश मच्छिंद्र जंगले ,अनिल मच्छिंद्र जंगले दोघे -राहणार -पानेगाव (यातील गणेश आरोपी हल्ली राहणार राहुरी) यांच्याविरुद्ध भादवि कलम ३७६ (२ ) ( फ) ३१३.३४२,३२३ ५०४ ५०६ अनुसूचित जाती जमाती अत्याचार प्रतिबंध ॲट्रॉसिटी कलमान्वये गुन्हा दाखल करण्यात आला आहे.

      दोन रुग्णालयात व लॅब मध्ये स्टाफ नर्स वर बलात्काराचा प्रकार घडल्याने सोनई परिसरासह नेवासा तालुक्यात एकच खळबळ उडाली आहे.

      दरम्यान दुसऱ्या घटनेत नगर परिसरात दुचाकी वर चाललेल्या एका 27 वर्षाच्या तरुण विद्यार्थीनीला चार चाकीत आलेल्या आरोपीनी बळजबरीने चार चाकी गाडीत बसून काटवण भागात नेले.तेथे तू आमच्यावरची केस मागे घे ,आम्हाला अॅफिड्युट करून दे असे म्हणत आरोपींनी व महिलेने पीडित तरुणीला धरले तर आरोपी विकास दौलत वाघ व संतोष दौलत वाघ या दोघांनी पीडित तरुणीवर बळजबरीने तिच्याविरुद्ध बलात्कार करून धमकी दिली.हा प्रकार भर दुपारी एकच्या सुमारास घडला.या प्रकरणी पीडित तरुणीच्या फिर्यादीवरून भिंगार कॅम्प पोलिसात आरोपी अफरोज हमिद शेख, राहणार सिव्हील हॉस्पिटल जवळ नगर, विकास दौलतराव वाघ ,संतोष दौलतराव वाघ व इतर ,राहणार- तपोवन रोड नाशिक यांच्याविरुद्ध भादवि कलम 376, 365 ,323 ,504 34 प्रमाणे बलात्काराचा गुन्हा दाखल करण्यात आला आहे .