शिवप्रहार न्युज- आजपासून रासकरनगर येथील पाळणे बंद...

आजपासून रासकरनगर येथील पाळणे बंद...

श्रीरामपूर (शिवप्रहार न्युज)- आजपासून रासकरनगर येथील पाळणे बंद करण्याचे आदेश पोलिस निरिक्षक हर्षवर्धन गवळी यांनी पाळणा ठेकेदारांना दिले आहे. आज दुपारी पोनि.गवळी यांनी पाळणेवाल्यांना बंदबाबतच्या आदेशाचे पत्रक दिले.
   पोलिसांनी दिलेल्या प्रसिद्धी पत्रकात म्हटले आहे की, श्रीरामपूर शहरातील जनतेस कळविण्यात येते की श्रीरामपूर शहरात दिनांक ३० / ०३ / २०२३ रोजी पासुन रासकर नगर म्हाडा कॉलनीच्या पाठिमागे आनंद मेळावा सुरु असुन त्यामध्ये मोठमोठे यांत्रीक पाळणे, इतर यांत्रीक खेळणी लावण्यात आली आहेत. सदर आनंद मेळाव्याचे आयोजक यांचेवर श्रीरामपूर नगरपरिषद प्रशासनाने विनापरवाना आनंद मेळावा भरविल्याबाबत दिलेल्या फिर्यादी वरुन गुन्हा दाखल करण्यात आला आहे. तसेच दिनांक ०१/०४/२०२३ रोजी शिर्डी येथे प्रसादलयाच्या जागेत रामनवमी यात्रे निमीत्ताने लावण्यात आलेल्या राहट पाळणा तुटुन झालेल्या अपघातात पाळण्यात बसलेले व बाहेर उभे असलेले बरेच लोक गंभीर जखमी झाले असुन त्यांच्यावर औषधोउपचार चालु आहे. अशा प्रकारची घटना सदर आनंद मेळाव्यात घडु नये म्हणुन तसेच तेथे जमलेल्या गर्दीमुळे कोणताही अपघात, वित्तहानी, किवा जिवीतहानी घडु नये म्हणुन सदर आनंद मेळावा आज पासुन जनतेसाठी बंद करण्याचा प्रशासनाने निर्णय घेतला असुन मेळाव्याचे आजोयक तसेच इतर रहाट पाळणे व खेळण्यांच्या चालकांनी ते आपणहून सदर मेळावा बंद करत असल्याचे सांगीतले आहे. त्यामुळे रासकर नगर म्हाडा कॉलनीच्या पाठिमागे लागलेला आनंद मेळावा व त्यातील मोठमोठे यांत्रीक पाळणे, इतर यांत्रीक खेळणी आणि खाद्यपदार्थाचे स्टॉल्स व हातगाडे जनतेसाठी बंद करण्यात आले आहेत. तरी रासकर मळा येथे भरविण्यात आलेले पाळण्यांच्या ठिकाणी कायदा व सुव्यस्थेच्या अनुषंगाने नागरीकांनी कोणत्याही प्रकारची गर्दी न करता प्रशासनास सहकार्य करावे. असे आवाहन श्रीरामपूर शहर पोलिसांनी दिलेल्या प्रसिद्धी पत्रकात केले आहे.