शिवप्रहार न्युज - वडाळा महादेवजवळ दोन अपघातात दोन ठार...

वडाळा महादेवजवळ दोन अपघातात दोन ठार...

श्रीरामपूर(शिवप्रहार न्युज)- तालुक्यातील वडाळा महादेव जवळ दोन वेगवेगळ्या अपघात एक महिला तर एका तरुणाचा दुर्दैवी मृत्यू झाला आहे.

  काल मंगळवारी सकाळी पाचेगाव येथील तरुण द्रोणाचार्य दत्तात्रय तूवर (वय-28) हा कोपरगाव येथे जाण्यासाठी दुचाकी वर निघाला असता त्याच्या दुचाकीचा वडाळा महादेव परिसरात अपघात झाला. यावेळी जमलेल्या नागरिकांनी जखमी तुवर याला साखर कामगार रुग्णालयात उपचारासाठी दाखल केले मात्र डोक्याला गंभीर मार लागल्याने त्याला पुढील उपचारासाठी त्याला लोणी येथे प्रवरा रुग्णालयात हलवण्यात आले. तेथे वैद्यकीय अधिकारी त्याला मृत घोषित केले. या अपघाताचे नेमके कारण समजू शकले नाही.

  तर दुसरा अपघात श्रीरामपूर शहरातील दिगंबर जैन समाजाचे कार्यकर्ते तसेच वीर सेवा दलाचे माजी अध्यक्ष सुभाष चुडीवाल हे आपल्या पत्नीसह सोमवारी रात्री छत्रपती संभाजीनगरहून श्रीरामपूरकडे कारने येत असताना झाला. रात्री साडेनऊच्या सुमारास वडाळा महादेव जवळ असताना त्यांची कार जोरात झाडावर जाऊन आदळून अपघात झाला. यावेळी सुभाष चुडीवाले यांनी सीटबिल्ड लावलेला असल्याने ते बचावले परंतु, त्यांच्या पत्नी छाया यांनी सीट बेल्ट न लावल्याने त्या गंभीर जखमी झाल्या जखमी छाया चुडीवाल यांना तातडीने साखर कामगार रुग्णालयत दाखल करण्यात आले. मात्र काल उपचारादरम्यान त्यांचा दुर्दैवी मृत्यू झाला.