शिवप्रहार न्यूज- बाबा पेट्रोल पंपाजवळ झालेल्या अपघातात गोंधवणीच्या तरुणाचा मृत्यू…
Editor Chandu Aage 
बाबा पेट्रोल पंपाजवळ झालेल्या अपघातात गोंधवणीच्या तरुणाचा मृत्यू…
श्रीरामपूर - श्रीरामपूर शहराला लागून असलेल्या गोंधवणी-भैरवनाथनगर गावाजवळील बाबा पेट्रोल पंपाजवळ खैरी निमगाव कडे जाणारी पिकअप आणि मोटरसायकलचा अपघात होऊन गोंधवणीच्या एका तरुणाचा मृत्यू झाल्याची घटना घडली आहे.
याबाबत अधिक माहिती अशी की,काल सायंकाळच्या सुमारास खैरी- निमगाव येथील पिकअप श्रीरामपूर येथून खैरी-निमगावकडे जात असताना गोंधवणी नजीक असलेल्या बाबा पेट्रोल पंपासमोर आली असता मोटर सायकल वरील तरुण पांडुरंग गणपत काळे हा अचानक वळाला त्यामुळे त्याला पिकअपची जोरदार धडक बसली.या अपघातात त्याचा जागीच मृत्यू झाल्याचे प्रत्यक्षदर्शींनी सांगितले.
याप्रकरणी श्रीरामपूर शहर पोलीस ठाण्यात काल अकस्मात मृत्यूची नोंद करण्यात आली आहे.पांडुरंग काळे हा सामाजिक कार्यकर्ते गणपत काळे यांचा मुलगा होता.
