शिवप्रहार न्यूज- बेलापूररोड वरील “ते” टोलेजंग वडाचे झाड तोडू नका…
Editor Chandu Aage 
बेलापूररोड वरील “ते” टोलेजंग वडाचे झाड तोडू नका…
श्रीरामपूर - श्रीरामपूर ते बेलापूर रस्त्यावर असणारे एक टोलेजंग वडाचे झाड या रस्त्याच्या रुंदीकरणाच्या कामामुळे तोडले जाणार असल्याची नागरिकांमध्ये चर्चा आहे.परंतु शतकानुशतकांपासून श्रीरामपूर व बेलापूर परिसरातील नागरिकांच्या मनातील लँडमार्क असलेले हे वडाचे झाड तोडू नये अशी मागणी होत आहे. कारण अनेक शतकांच्या इतिहासाचा साक्षीदार हे वडाचे झाड आहे.तसेच वटसावित्रीला अनेक पिढ्यातील महिला या वडाची पुजा करायला वटपौर्णिमेच्या कार्यक्रमाला येत असतात.या वडा जवळ झालेले अपघात देखील अनेकांच्या स्मरणात आहे.
त्यामुळे हे ऐतिहासिक वडाचे झाड तोडू नये अशी मागणी नागरिकांसह राजकीय नेते मंडळी देखील करीत आहेत.या प्रकरणी जिल्हा परिषद सदस्य शरद नवले हे सार्वजनिक बांधकाम विभागाच्या वरिष्ठ अधिकाऱ्यांना भेटणार असल्याची माहिती समजते.
