शिवप्रहार न्युज - औरंग्याचा स्टेट्स ठेवल्याप्रकरणी राहुरीत एकावर गुन्हा दाखल…
Editor Chandu Aage 
औरंग्याचा स्टेट्स ठेवल्याप्रकरणी राहुरीत एकावर गुन्हा दाखल…
राहुरी(शिवप्रहार न्युज)- औरंग्याचा स्टेट्स ठेवल्याप्रकरणी राहुरी तालुक्यातील सात्रळ येथील अलबश्क नबीन शेख याच्याविरूद्ध राहुरी पोलीस ठाण्यामध्ये गुन्हा दाखल करण्यात आला आहे.
राहुरी तालुक्यातील धानोरे येथील तरूण शेतकरी कन्हैया भरत दिघे हे त्यांच्या मोबाईलवर स्टेटस पहात असताना सात्रळ येथील अलबश्क नबीन शेख या तरूणाने आपल्या मोबाईल क्रमांकावरून बाप तो बाप रहेगा असे गाणे असलेला आणि औरंग्याचा फोटो घेऊन नाचत असलेल्या मुलाचा स्टेट्स व्हाट्सअपला ठेवल्याचे त्यांनी पाहिले. अलबश्क याने जाणीवपूर्वक दोन धर्मामध्ये तेढ निर्माण होईल असा स्टेटस ठेवल्याने धार्मिक भावना दुखावल्या आहे. याप्रकरणी कन्हैय्या दिघे यांनी राहुरी पोलिसांत फिर्याद दिल्यावरून आरोपी अलबश्क नबीन शेख याच्याविरूद्ध भादंवि कलम १५३-अ प्रमाणे गुन्हा दाखल करण्यात आला आहे.
याप्रकरणी पुढील तपास राहुरी पोलीस ठाण्याचे पोलीस निरीक्षक धनंजय जाधव यांच्या मार्गदर्शनाखाली राहुरी पोलिस करत आहे.
