शिवप्रहार न्युज - मराठा आंदोलनकर्त्यांवर झालेल्या लाठीहल्ल्याच्या निषेधार्थ सकल मराठा समाजाच्यावतीने उद्या श्रीरामपूर बंदचे आवाहन ...
Editor Chandu Aage 
मराठा आंदोलनकर्त्यांवर झालेल्या लाठीहल्ल्याच्या निषेधार्थ सकल मराठा समाजाच्यावतीने उद्या श्रीरामपूर बंदचे आवाहन ...
श्रीरामपूर (शिवप्रहार न्यूज)- जालना जिल्ह्यातील अंतरवाली येथे मराठा समाज बांधव-भगिनींवर झालेल्या अमानुष लाठीहल्ल्याच्या निषेधार्थ सकल मराठा समाजाच्या वतीने उद्या रविवार दिनांक 3 सप्टेंबर रोजी श्रीरामपूर शहर व तालुका बंद पुकारण्यात आला आहे.
या पुकारण्यात आलेल्या बंदला श्रीरामपूर मर्चंट असोसिएशनच्या वतीने जाहिर पाठिंबा देण्यात आला असल्याचे मर्चंट असोसिएशनच्या वतीने सांगण्यात आले आहे.
श्रीरामपूर शहरातील व तालुक्यातील सर्व लहान-मोठ्या व्यावसायिकांनी आपली दुकाने बंद ठेवून श्रीरामपूर बंदमध्ये सहभागी व्हावे असे आवाहन सकल मराठा समाज,श्रीरामपूरच्या वतीने करण्यात आले आहे.
शिवछत्रपतींच्या अठरापगड शिवहिंदुत्व विचारांवर कृती करणाऱ्या” शिवप्रहार प्रतिष्ठान” संघटनेचा या श्रीरामपूर बंदला जाहीर पाठिंबा आहे.
