शिवप्रहार न्यूज -मेहुण्याने मागुन मोटार सायकलला ठोकले श्रीरामपुरचा तरुण ठार
Editor Chandu Aage 
मेहुण्याने मागुन मोटार सायकलला ठोकले श्रीरामपुरचा तरुण ठार ...
श्रीरामपूर(प्रतिनिधी)
शहरातील मोरगे वस्ती परिसरात राहणारे दीपक सिताराम राजगिरे, वय 39 , हे आपल्या पल्सर मोटार सायकल नंबर एम एच 17 बीबी 0210 वरून लोहारे,ता.संगमनेर येथे जात असतांना श्रीरामपूर -बाबळेश्वर रोड वरील ममदापूर शिवारात हॉटेल लकी समोरील वळणावर फिरणारी गाय आडवी आल्याने दिपक यांनी मो.सायकलचा ब्रेक मारला असता त्यांच्या पाठीमागे चाललेला त्यांचा मेहुणा दत्तात्रय दगडू राऊत याने त्याच्या ताब्यातील होंडा युनिकॉन ने दीपक यांच्या मोटर सायकला पाठीमागून जोरात धडक दिली. त्यामुळे दीपक हे जखमी होऊन मयत झाले आहेत. तसेच दोन्ही मोटरसायकली चे नुकसान झाले असुन याप्रकरणी मयत दिपक यांचे वडील सिताराम माधव राजगिरे यांनी फिर्याद दिल्यावरून आरोपी होंडा यूनिकॉर्न वरील चालक दत्तात्रेय दगडू राऊत राहणार -वडाळा महादेव ,ता. श्रीरामपूर याच्याविरुद्ध लोणी पोलीस स्टेशन,लोणी येथे गु.र.नंबर 155 /2021 भादंवि कलम 304 (अ)279 ,337, 338, 427 व मोटार वाहन कायदा कलम 184 प्रमाणे गुन्हा दाखल करण्यात आला आहे.या गुन्ह्याचा पुढील तपास ए.एस.आय.श्री. फटांगरे हे करत आहे.
दिपक राजगिरे यांच्या अकाली अपघाती निधनाने शहरातील मोरगे वस्ती परिसरातील नागरिक हळहळ व्यक्त करत आहेत.
