शिवप्रहार न्युज - श्रीरामपूरचे सिंघम DySP बसवराज शिवपुजे यांचा मटकावाल्यांना दणका;तब्बल ०५ ठिकाणी छापे
Editor Chandu Aage 
श्रीरामपूरचे सिंघम DySP बसवराज शिवपुजे यांचा मटकावाल्यांना दणका;
तब्बल ०५ ठिकाणी छापे
श्रीरामपूर - श्रीरामपूर उपविभागाचे सिंघम कर्तव्यदक्ष DySP श्री.बसवराज शिवपुजे यांनी बेकायदेशीर मटका वाल्यांना जोरदार दणका दिला असून त्यांच्या आदेशाने व पो.नि.गवळी यांच्या सहयोगाने श्रीरामपूर पोलिसांनी तब्बल ०५ ठिकाणी छापे टाकले आहेत.बेलापूर परिसरातील ०४ ठिकाणी व श्रीरामपूर परिसरातील ०१ ठिकाण असे हे छापे पडले.
काल ०५ सप्टेंबर २०२३ रोजी बेलापूर गावातील मेनरोड,आझाद मैदान ,पढेगाव रोड व गणेश टी हाऊस मागे अशा चार ठिकाणी हे छापे पडले तर श्रीरामपूर शहरातील वार्ड नं.०३ मध्ये एक छापा पडला.याप्रकरणी जुगाराचे वेगवेगळे ०५ गुन्हे दाखल झाले असून आरोपींमध्ये मध्ये भानुदास भोसले रा.केसापूर, पंकज भांड रा. बेलापूर,लक्ष्मण मोरे रा.उंबरगाव, सुरज चौगुले रा.वळदगाव तसेच रवी टाक व सचिन गावडे रा.श्रीरामपूर यांचा समावेश आहे.या छाप्यामध्ये पोलिसांनी रोख रकमेसह जुगाराचे साहित्य जप्त केले आहे.
कर्तव्यदक्ष डीवायएसपी श्री.बसवराज शिवपुजे यांच्या धडक कारवाईमुळे आरोपींचे धाबे दणाणले असून नागरिकांकडून याचे स्वागत करण्यात येत आहे.
