शिवप्रहार न्युज - श्रीरामपूर-राहुरी रोडवर झाड यमदूत बनुन बसलंय प्रशासनाचे घोर दुर्लक्ष होतंय…
Editor Chandu Aage 
श्रीरामपूर-राहुरी रोडवर झाड यमदूत बनुन बसलंय
प्रशासनाचे घोर दुर्लक्ष होतंय…
देवळाली प्रवरा- श्रीरामपूर ते राहुरी फॅक्टरी रस्त्यावरील देवळाली प्रवरा गावाजवळील देवळाली प्रवरा विश्रामगृह परिसरात एक महाकाय झाड मूर्तावस्थेत असून ते रस्त्यावरून प्रवास करणाऱ्या कोणाच्याही अंगावर पडून मनुष्याचा जीव घेऊ शकते. हे झाड यमदुताच्या रूपामध्ये माणसाचा जीव घेण्यासाठी आ वासुन बसले आहे.जर ते झाड पडले तर दोन-चार जणांचा जीव सहज जावु शकतो.
तरी प्रशासनाला ही बाब दिसत असताना देखील प्रशासन यावर कार्यवाही करीत नाही. सार्वजनिक बांधकाम विभाग व स्थानिक प्रशासनाने तात्काळ कार्यवाही करून हे झाड सुरक्षितरीत्या तोडून काढावे. नाहीतर सर्वसामान्यांचा जीव गेल्यानंतर जागं झाल्यावर काय उपयोग होणार? असा संतप्त सवाल स्थानिक नागरिकांनी केला आहे.
लोकांचा बळी जायच्या आधी लवकरात लवकर हे झाड काढावे अशी मागणी येथून प्रवास करणारे लोक व स्थानिक नागरिकांची आहे.
