शिवप्रहार न्युज - निवडणुकीच्या पार्श्वभूमीवर श्रीरामपुरात नवरात्रोत्सवाची जोरदार तयारी...
Editor Chandu Aage 
निवडणुकीच्या पार्श्वभूमीवर श्रीरामपुरात नवरात्रोत्सवाची जोरदार तयारी...
श्रीरामपूर (शिवप्रहार न्युज)- श्रीरामपूर शहरातील नवरात्र उत्सव महाराष्ट्रातील नामांकित नवरात्रोत्सवांपैकी एक आहे. परंतु गेल्या तीन-चार वर्षांपासून या नवरात्रोत्सवाचा उत्साह काही प्रमाणात कोरोनामुळे कमी झालेला दिसला होता, परंतु आता 2024 साली निवडणुका होणार असल्याने हा उत्साह पुन्हा दुणावला आहे. यावर्षी आत्तापर्यंत 22 मंडळांनी नगरपालिकेकडून नवरात्र उत्सवाची परवानगी घेतली आहे. काही मंडळांनी मोठमोठे देखावे देखील साकारले आहेत. त्यामुळे देखावे पाहण्यासाठी नागरिकांची गर्दी होण्याची शक्यता आहे.
विविध पक्ष, संघटनांच्या वतीने दांडियाच्या कार्यक्रमांचे देखील आयोजन करण्यात येणार आहे. या कार्यक्रमांसाठी मराठी अभिनेते-अभिनेत्री देखील श्रीरामपुरातील नवरात्रोत्सव कार्यक्रमांना उपस्थित राहणार आहे.
तालुक्यात देखील नवरात्र उत्सव जोरदार साजरा होत असून विविध गावातील नवरात्रोत्सव मंडळांनी देवींच्या शक्ती पिठांवरून ज्योत वाजतगाजत आज घटस्थापनेच्या दिवशी आपापल्या गावात आणली.
