शिवप्रहार न्युज - श्रीरामपुरात आरटीओजवळ गंठन मारले...
Editor Chandu Aage 
श्रीरामपुरात आरटीओजवळ गंठन मारले...
श्रीरामपूर (शिवप्रहार न्युज)- पती-पत्नी मोटारसायकलवरुन जात असताना खराब रस्त्यामुळे मोटारसायकलचा वेग कमी झाल्याचा गैरफायदा घेत महिलेच्या गळ्यातील ६६ हजाराचे गंठण धुमस्टाईने पळून नेण्याचा प्रकार श्रीरामपूर आरटीओ कार्यालयाजवळ काल घडला.
ब्राम्हणगाव वेताळ येथील ज्योती शिवाजी वेताळ आणि त्यांचे पती शिवाजी वेताळ हे दोघे काल वडाळा महादेव येथील कार्यक्रमाहून मोटारसायकलने घरी जात होते. सायं. 7 च्या सुमारास आरटीओ ते शिरसगाव रोडने जात असताना खराब रस्ता असल्याने त्यांच्या मोटारसायकलचा वेग कमी झाला तेंव्हा पाठीमागून विना नंबरच्या काळ्या पल्सवर दोघा तरुणांनी येवून ज्योती वेताळ यांच्या गळ्यातील गंठण जोरात ओढून चोरून धुमस्टाईलने फरार झाले. याप्रकरणी सौ.वेताळ यांनी श्रीरामपूर शहर पोलिसात फिर्याद दिल्यावरून दोघा गंठनचोरांविरूद्ध भादंवि कलम ३४, ३९२ प्रमाणे गुन्हा दाखल करण्यात आला असून पुढील तपास पोनि.देशमुख यांच्या मार्गदर्शनाखाली शहर पोलिस करत आहेत.
