शिवप्रहार न्युज - रांजणखोलच्या दोघा तरूणांचा गेवराई येथे अपघातात दुर्दैवी मृत्यू…
Editor Chandu Aage 
रांजणखोलच्या दोघा तरूणांचा गेवराई येथे अपघातात दुर्दैवी मृत्यू…
श्रीरामपूर (प्रतिनिधी)- श्रीरामपूर शहराजवळील राहाता तालुक्यातील रांजणखोलच्या दोघा तरूणांचा बीड जिल्हयातील गेवराई येथे झालेल्या अपघातात दुर्दैवी मृत्यू झाला आहे. श्रीरामपूर शहराजवळील रांजणखोल येथील अमोल ढोकचौळे, विजय पगारे हे दोघे तरूण काल मंगळवारी कामानिमित्त बीड जिल्हयातील गेवराई येथे गेले होते. गेवराईमध्ये त्यांच्या दुचाकीचा आणि एका ट्रॅक्टरचा अपघात होवून त्यात या दोघा तरूणांचा दुर्दैवी मृत्यू झाला आहे.
मयत अमोल आणि विजय दोघेही विवाहीत असून त्यांना लहान मुले असल्याचे समजते.दोघेही शिवभक्त होते.ते शिवकार्यात कायम अग्रेसर असायचे.विजय पगारे यांचे श्रीरामपूर शहरात कटींग दुकान तर अमोल ढोकचौळे हे व्यावसायिक असल्याचे समजते.दोघा उमद्या तरूणांचा अशाप्रकारे अपघातात दुर्दैवी मृत्यू झाल्याने मित्र परिवारासह परिसरात प्रचंड हळहळ व्यक्त होत आहे.
