शिवप्रहार न्युज - श्रीरामपुरात पेट्रोलपंपासमोर दुकानदाराला चोरट्याने लुटले...
Editor Chandu Aage 
श्रीरामपुरात पेट्रोलपंपासमोर दुकानदाराला चोरट्याने लुटले...
श्रीरामपूर (शिवप्रहार न्युज)- शहरातील मेनरोडवर जनरल स्टोअर दुकान चालवाणारे किसन आहुजा (वय-60) हे रात्री 9 च्या दरम्यान मित्राच्या मुलीच्या लग्नासाठी श्रीरामपूर शहराजवळील लक्ष्मीत्रिंबक मंगल कार्यालय येथे मोपेड दुचाकीवरून जात होते. दुचाकीवारून जात असतांना नेवासा रोडवर कांदा मार्केटजवळील एच.पी. पेट्रोलपंपासमोर समोरुन पायी चालत येणा-या एका चोरटयाने आहुजा यांना आडवुन दुचाकीसह रोडखाली ढकलुन दिले. त्यानंतर या चोरट्याने त्यांच्या खिश्यातील रेडमीकंपनीच्या मोबाईलसह रोख रक्कमही बळजबरी काढून नेली.
याप्रकरणी आहुजा यांनी काल बुधवारी शहर पोलिसांत फिर्याद दिल्यावरून अज्ञात चोरट्याविरूद्ध गुन्हा दाखल करण्यात आला असून पुढील तपास पोनि.देशमुख यांच्या मार्गदर्शनाखाली श्रीरामपूर शहर पोलिस करत आहेत.
