शिवप्रहार न्युज - हफ्ते थकले म्हणून श्रीरामपुरात तरूणाला अडवून रॉड,फायटरने मारहाण…

हफ्ते थकले म्हणून श्रीरामपुरात तरूणाला अडवून रॉड,फायटरने मारहाण…

श्रीरामपूर (प्रतिनिधी)-मोटारसायकलचे हप्ते थकले म्हणून तरूणाला अडवून रॉड,फायटरने मारहाण करून त्याच्याकडील मोबाईल तसेच रोकड काढून घेण्याचा प्रकार शहरातील नॉदर्न ब्रॅंच येथे घडला आहे.याबाबत विजय सुकदेव इंगळे, वय-२१, धदा-मजूरी, सेंट्रींग काम, रा. वडाळामहादेव, श्रीरामपूर याने पोलिसात फिर्याद दिली आहे. 

          आपण हिरो कंपनीची मोटारसायकल क्र. एमएच १७ सीझेड ८६९३ ही फायनान्सवर घेतलेली आहे. तीन महिन्यांपासून आपले मोटारसायकलचे हप्ते थकले आहे. मात्र त्याबाबत कंपनीकडून कोणती नोटीस वगैरे आलेली नाही.कामावरून ममदापूर येथून सायंकाळी घरी जात असताना नॉदर्न बँच येथे समोरून ३ मोटारसायकलवरून पाच ते सहा जण आले व त्यांनी आम्हाला अडवून मोटारसायकलचे फायनान्सचे थकलेले हप्ते मागितले. सद्या माझ्याकडे पैसे नाहीत, पैसे आल्यावर भरतो.असे मी त्यांना सांगितले. मात्र त्याचा राग येवून शहाबाज पटेल याने आपल्या खिशातील मोबाईल तसेच रोख स्क्कम ५ हजार ५०० रूपये काढून घेतले. त्याच्यासोबतच्या इतर जणांनी मला व माझ्या भावाला वाईट-वाईट शिवीगाळ करून लाथाबुक्क्यांनी मारहाण केली. एकाने लोखंडी रॉड व लोखंडी फायटरने मारहाण केली. त्यामुळे रक्तस्त्राव होवून आपण जखमी झालो. आरडाओरडा केल्याने हे हल्लेखोर त्या ठिकाणाहून पळून गेले.   

       सदर प्रकरणी विजय इंगळे याच्या फिर्यादीवरून श्रीरामपूर शहर पोलिसांनी शहाबाज पटेल, समीर शेख, सोहेल शेख, शहाबाज शहा, समीर पठाण, इम्रार दारूवाला सह अनोळखी पाच ते सहा जण यांच्याविरूद्ध भादंवि कलम ३९५,३२४, ३२७, ३४१ प्रमाणे गुन्हा दाखल केला आहे. पुढील तपास श्रीरामपूर शहर पोलीस करीत आहेत.