शिवप्रहार न्युज - आंघोळ करणाऱ्या महिलेचे मोबाईलमध्ये चित्रीकरण;राहुरीत गुन्हा दाखल…
Editor Chandu Aage 
आंघोळ करणाऱ्या महिलेचे मोबाईलमध्ये चित्रीकरण;राहुरीत गुन्हा दाखल…
राहुरी ( शिवप्रहार न्युज) राहुरी तालुक्यातील महात्मा फुले कृषी विद्यापिठाच्या आत बाथरूममध्ये आंघोळ करणाऱ्या तरुण महिलेचे मोबाईलमध्ये चित्रीकरण करून विनयभंग करण्याचा प्रकार घडल्याने कृषी विद्यापीठ परिसरात एकच खळबळ उडाली आहे.या प्रकरणी पिडीत महिलेने राहुरी पोलीसात फिर्याद दिल्यावरून कृषी विद्यापिठाचा कर्मचारी गणेश तुकाराम चौधरी याच्या विरुद्ध विनयभंगाचा कलम ३५४ प्रमाणे गुन्हा दाखल झाला आहे.
यातील पिडीतेने फिर्यादीत म्हटले आहे शेतकरी निवास परिसरात बाथरूममध्ये आंघोळ करत असतांना आरोपी गणेश चौधरी याने खिडकीतून हात घालून मोबाईलमध्ये आंघोळीचे चित्रीकरण करून लज्जा उत्पन्न होईल असे वर्तन करून विनयभंग केला.सकाळच्या सुमारास हा प्रकार घडला. आरोपी चौधरीकडे त्या परिसरात देखरेखचे काम असल्याचे समजते! पण तो वेगळीच देखरेख करीत होता आणि आता त्याच्या अशा काळ्या कारनाम्यांचा भांडा फुटला असुन त्याच्याविरोधात गुन्हा दाखल होवुन पोलीसांनी त्याला चांगलाच “पोलीस खाक्या” दाखवल्याचे समजते.
या प्रकरणी पोनि होंडे यांच्या मार्गदर्शनाखाली पुढील तपास पोना सानप हे करीत आहे .
