शिवप्रहार न्युज - राहुरीत खून करून विहीरीत फेकले; श्रीरामपूरात तरुणावर वार...
Editor Chandu Aage 
राहुरीत खून करून विहीरीत फेकले; श्रीरामपूरात तरुणावर वार...
राहुरी /श्रीरामपूर (शिवप्रहार न्युज)- राहुरी तालुक्यातील शेलगाव येथील 30 वर्षीय विजय अण्णासाहेब जाधव या तरुणाचा हात पाय बांधून विहिरीत टाकून खून करण्यात आला आहे. मंगळवारी यात्रेमध्ये मित्रांबरोबर झालेल्या भांडणातून विजय ला दांड्याने, लाथाबुक्क्यांनी मारहाण करून नंतर हातपाय बांधून विहीरीत टाकून त्याचा खून झाल्याचे समजते. याप्रकरणी पोलिसांनी एकाला ताब्यात घेतल्या असून इतर आरोपींचा पोलीस शोध घेत आहेत.
तर श्रीरामपूर शहरातील नेवासा रोडवरील आयडीबीआय बँकेसमोर एका तरुणावर तीन जणांनी कत्तीच्या साह्याने वार करून प्राणघातक हल्ला केल्याची घटना काल बुधवारी रात्री घडली. श्रीरामपूर शहरातील नेवासा रोडवर राहणारा विशाल साळवे याच्यावर तीन जणांनी कत्तीच्या साह्याने वार केले. यामध्ये विशाल हा गंभीर जखमी झाला असून त्याला तात्काळ साखर कामगार रुग्णालयात दाखल करण्यात आले होते.मात्र त्याची प्रकृती चिंताजनक असल्याने त्याला पुढील उपचारासाठी लोणी येथे हलवण्यात आले आहे. हल्ल्याचे नेमके कारण समजू शकले नाही.
