शिवप्रहार न्युज - राममंदिर बांधल्यामुळे मी पराभूत झालो- माजी खा.सदाशिव लोखंडे
Editor Chandu Aage 
राममंदिर बांधल्यामुळे मी पराभूत झालो- माजी खा.सदाशिव लोखंडे
श्रीरामपूर/नगर -श्री.क्षेत्र आयोध्यामध्ये श्रीराम मंदिर बांधल्यामुळे माझा शिर्डी लोकसभा मतदारसंघात पराभव झाल्याची प्रतिक्रिया माजी खासदार सदाशिव लोखंडे यांनी कर्जत-जामखेड येथे आयोजित पत्रकार परिषदेत व्यक्त केली.या परिषदेमध्ये पत्रकारांनी लोखंडे यांना त्यांच्या पराभवाचे कारण विचारले असता त्यांनी सांगितले की,"आयोध्येमध्ये श्रीराम मंदिर बांधल्यामुळे माझा पराभव झाला आहे.शिर्डी लोकसभा मतदारसंघात आदिवासी समाजाची मोठ्या प्रमाणात लोकसंख्या असून ते आदिवासी बांधव रावणाची पूजा करतात" अशा संदर्भाने त्यांनी हे वक्तव्य केले.
दरम्यान त्यांच्या वादग्रस्त वक्तव्यामुळे सोशल मीडियावर हिंदुत्ववादी तरुणांसह हिंदू समाजामध्ये प्रचंड नाराजीची भावना व्यक्त होत असल्यामुळे नंतर मा.खा. लोखंडे यांनी सावरा-सावर करत माझ्या वक्तव्याचा विपर्यास केल्याचे म्हटले आहे.
