शिवप्रहार न्युज - श्रीरामपूर शहरातील हॉटेल कैलास मध्ये वाद; बिअरच्या बाटलीने मारले…
Editor Chandu Aage 
श्रीरामपूर शहरातील हॉटेल कैलास मध्ये वाद; बिअरच्या बाटलीने मारले…
श्रीरामपूर(शिवप्रहार न्युज) - श्रीरामपूर शहरात परमीट रूममध्ये बसल्यानंतर झालेल्या वादात एकाला बिअरची बाटली मारून जखमी करण्याचा प्रकार घडला आहे. यातील जखमीवर छत्रपती संभाजीनगर येथे उपचार सुरू आहेत.
याबाबतची अधिक माहिती अशी की, वॉर्ड नं. २ मध्ये राहणारा सर्फराज बाबा शेख हा संगमनेर रोडवरील हॉटेल कैलास येथे आला होता. त्याचवेळी खंबाला कुरेशी, रा. वॉर्ड नं. २ हाही तेथे होता. यावेळी कसल्यातरी करणावरून खंबाला कुरेशी याने सर्फराज शेख याला बिअरची बाटली मारली. बिअरच्या बाटलीमुळे सर्फराज शेखला पाठीला जखम झाली. या प्रकारानंतर जखमी शेख याला छत्रपती संभाजीनगर येथे उपचारासाठी पाठवण्यात आल्याचे समजते.
याबाबत पोलिसांनी जबाब घेतला असून पुढील तपास पोनि. नितीन देशमुख यांच्या मार्गदर्शनाखाली श्रीरामपूर शहर पोलीस करीत आहेत.
