शिवप्रहार न्युज - अनोळखी व्यक्तीचा मृतदेह आढळला…
Editor Chandu Aage 
अनोळखी व्यक्तीचा मृतदेह आढळला…
नेवासा- तालुक्यातील पाचेगाव येथे अनोळखी व्यक्तीचा मृतदेह आढळून आला आहे. या अनोळखी व्यक्तीच्या मानेवर तीक्ष्ण हत्याराने वार करून खून झाला असल्याची माहिती समोर आली आहे. खून झालेल्या अज्ञात व्यक्तीचे वय ३५ वर्ष असल्याचा अंदाज पोलिसांनी व्यक्त केला आहे.तसेच अंगावर टी शर्ट, जीन्स पॅन्ट व उजव्या हातावर महाकाल देवाचा फोटो गोदलेले आहे. त्यामुळे खून झालेला व्यक्ती कोण व खून कोणी व कश्यासाठी केला? हे पोलिसांसमोर आव्हान आहे.
आज शुक्रवार रोजी सकाळी दहाच्या सुमारास गावातील महिला मजुरांनी पाचेगाव ते पाचेगाव फाटा रस्त्याच्या कडेला असणाऱ्या एका शेतात अज्ञात व्यक्तीचा खून झालेल्या अवस्थेत पाहिला. त्यानंतर याची सर्व गावात चर्चा होऊन घटनास्थळी ग्रामस्थांनी धाव घेतली. अज्ञात व्यक्तीच्या मानेवर तीक्ष्ण हत्याराने वार करून खून झाला असल्याचे निष्पन्न झाले.
घटनास्थळी नेवासा पोलीस निरीक्षक धनंजय जाधव,उपनिरीक्षक विजय बोभे, मनोज आहेर,विकास पाटील व पोलीस नाईक ढमाळे यांनी येऊन अज्ञात व्यक्तीच्या प्रेताची पाहणी केली.तसेच मृतदेह पुढील पंचनामा करण्यासाठी नेवासा येथील प्राथमिक आरोग्य केंद्रात शवविच्छेदनकामी पाठविण्यात आला आहे .
