शिवप्रहार न्यूज- श्रीरामपूर शहर पोलिसांनी तीन गाई पकडल्या;पावणेतीन लाखांचा मुद्देमाल जप्त…
Editor Chandu Aage 
श्रीरामपूर शहर पोलिसांनी तीन गाई पकडल्या;पावणेतीन लाखांचा मुद्देमाल जप्त…
श्रीरामपूर- श्रीरामपूर परिसरातील एकलहरे ते टिळकनगरकडे जाणाऱ्या रोडवर टिळकनगर कारखाना भागात श्रीरामपूर शहर पोलिसांनी टेम्पो क्रमांक एम एच 39 डब्ल्यू 0134 हे वाहन पकडले.त्यामध्ये तीन काळ्यापांढर्‍या रंगाच्या जर्सी गाई निर्दयीपणे बांधून डांबुन ठेवलेल्या अवस्थेत मिळून आल्या.याप्रकरणी पोलीस नाईक भिंगारदे यांच्या तक्रारीनुसार श्रीरामपूर शहर पोलीस ठाण्यात काल रात्री महाराष्ट्र प्राणी संरक्षण कायदा व प्राण्यांना क्रूरतेने वागवणे कायद्याप्रमाणे गुन्हा दाखल करण्यात आला आहे.तसेच एकुण पावणे तीन लाख रुपयांचा मुद्देमाल जप्त करण्यात आला आहे.
या गुन्ह्याचा पुढील पोलीस नाईक राशिनकर हे पोलीस निरीक्षक सानप यांच्या मार्गदर्शनाखाली करीत आहेत. या गुन्ह्यातील विशेष बाब अशी की,या मधील आरोपी हा अल्पवयीन असून तो स्वतः वाहन चालवत होता.
यावेळी गोरक्षक श्री.आबा नाईकवाडे आणि “शिवप्रहार प्रतिष्ठान” च्या वतीने आवश्यक ते सहकार्य प्रशासनाला करण्यात आले.
