शिवप्रहार न्यूज -भावजयीवर वाईट नजर ठेवतो म्हणून चाकूने वार;श्रीरामपूर पो.ठाण्यात गुन्हा दाखल...
Editor Chandu Aage 
भावजयीवर वाईट नजर ठेवतो म्हणून चाकूने वार;श्रीरामपूर पो.ठाण्यात गुन्हा दाखल...
श्रीरामपूर -श्रीरामपूर तालुका पोलीस स्टेशन अंतर्गत येणारे वाकडी या गावात राहणारा फिर्यादी आकाश रामनाथ जगधने हा किराणा सामान घेऊन घराकडे जात असताना आरोपी राहुल संपत जगधने हा आकाशला म्हणाला की,तू जास्त माजला आहे,तू माझ्या भावजयीवर वाईट नजर ठेवतोस,तुला जिवंत ठेवणार नाही असे बोलून आरोपी राहुल जगधने याने फिर्यादी आकाशाच्या डाव्या खांद्यावर चाकूने वार केले.
तसेच आरोपी ने त्यानंतर आकाशाच्या मानेवर देखील चाकूने वार केले व म्हणाला की तुझ्या घरच्यांना ही अशाच प्रकारे संपवून टाकीन. जखमी फिर्यादी आकाश ला नाशिक सिव्हिल हॉस्पिटल येथे दाखल करण्यात आले असून श्रीरामपूर तालुका पोलिसांनी त्या ठिकाणी जाऊन जखमी चा जबाब घेऊन श्रीरामपूर तालुका पोलीस ठाण्यात गुन्हा रजिस्टर नंबर 182/2021 भादवि कलम 307,504,506 प्रमाणे गुन्हा काल दाखल केला आहे.
या गुन्ह्याचा घटनास्थळी पोलिस निरीक्षक श्री.साळवे यांनी तात्काळ भेट दिली.या गुन्ह्याचा तपास पोलीस उपनिरीक्षक श्री.अतुल बोरसे हे करीत आहेत.
