शिवप्रहार न्यूज-श्रीरामपुरात १२ वासरांची सुटका;शहर पोलीसांची कामगिरी…
Editor Chandu Aage 
श्रीरामपुरात १२ वासरांची सुटका;शहर पोलीसांची कामगिरी…
श्रीरामपूर -शहर पोलिसांना मिळालेल्या गुप्त खबरीवरुन कत्तलीसाठी आणलेल्या १२ वासरांची सुटका पोलिसांनी केली.
अधिक माहिती अशी की,पोनि. सानप यांच्या मार्गदर्शनाखाली शहर पोलिसांनी १२ गोवंश जातीच्या वासरांची सुटका केली असुन याबाबत श्रीरामपूर शहर पोलिसात पोकॉ. अत्तार यांच्या फिर्यादीवरून एजाज युसूफ कुरेशी, रा. कुरेशी मोहल्ला, वा.नं. २, श्रीरामपूर याच्याविरूद्ध प्राणी संरक्षण कायदा कलम ५, ५ (ब), प्राण्यांना क्रुरतेने वागविणे कलम ११ (च) (ज) प्रमाणे गुन्हा दाखल करण्यात आला.
पोकॉ. अत्तार यांनी फिर्यादीत म्हटले आहे की, कत्तल करण्याच्या प्रयोजनासाठी लहान-मोठी गोवंश जनावरांची वासरे श्रीरामपूर शहरातील वा.नं. २, कुरेशी मोहल्ला येथे आरोपीने पत्र्यांच्या शेडमध्ये जागेत दोरखंडाने दाटीवाटीने बांधून त्यांना कत्तल करण्याच्या उद्देशाने चारा-पाण्याची कोणती एक सोय न करता निर्दयपणे बांधून ठेवलेले मिळून आली.
सदर जनावरे पोलिसांनी ताब्यात घेतली असून पोनि. सानप यांच्या मार्गदर्शनाखाली आडांगळे हे पुढील तपास करीत आहेत.
