शिवप्रहार न्यूज- छत्रपती शिवाजी चौकातील रस्ता वाहतुकीसाठी खुला करा- मागणी…
Editor Chandu Aage 
छत्रपती शिवाजी चौकातील रस्ता वाहतुकीसाठी खुला करा- मागणी…
श्रीरामपूर - श्रीरामपूर शहरातील छत्रपती शिवाजी महाराज चौकाजवळील रेल्वे अंडरग्राउंड पुलाखाली रेल्वेच्या दुहेरीकरणाचे काम चालू असल्यामुळे हा रस्ता वाहतुकीसाठी २० जानेवारी पर्यंत बंद करण्यात आला होता परंतू आज २१ जानेवारी उजाडुन देखील आत्तापर्यंत रस्ता बंदच आहे.
हा प्रमुख रस्ता बंद केल्यामुळे रेल्वे पलिकडील भागातील आजारी पेशंट ,वयस्कर नागरिक ,ज्येष्ठ नागरिक यांना शहरात येताना मोठा वळसा घालून यावे लागत आहे.
त्याचा या नागरिकांना प्रचंड त्रास होत असल्यामुळे रेल्वेच्या वरिष्ठ अधिकाऱ्यांनी लक्ष घालून रेल्वे दुहेरीकरणाचे काम झटपट पूर्ण करून हा अंडरग्राउंड रस्ता वाहतूकीसाठी खुला करावा अशी मागणी श्रीरामपुर शहरातील सिंधी समाजाच्या वतीने सिंधी समाजाच्या असंख्य कार्यकर्त्यांनी केली आहे.
