शिवप्रहार न्यूज- शिक्रापूरजवळ भिषण अपघातात श्रीरामपुरातील तरुणासह ०३ ठार…
Editor Chandu Aage 
शिक्रापूरजवळ भिषण अपघातात श्रीरामपुरातील तरुणासह ०३ ठार…
श्रीरामपूर (प्रतिनिधी)- नगर-पुणे रस्त्यावर शिक्रापूरजवळ मिल्टन कंपनीजवळ पुण्याहून आपाची दुचाकीवरुन श्रीरामपूरकडे येत असलेला तरुण राजवर्धन सचिन हापसे (वय २१) या तरुणाच्या दुचाकीला भरधाव वेगातील दोन दुचाकींची धडक बसली. एकूण ३ दुचाकींचा एकमेकांशी धडकून भिषण अपघात झाला.
या अपघातात श्रीरामपुरातील डॉ. सचिन हापसे यांचा मुलगा राजवर्धन सचिन हापसे हा ठार झाला तर दुसऱ्या दोन दुचाकीवरील दोघे जणही ठार झाले. अपघात इतका भीषण होता की तीन दुचाकींचे या अपघातात नुकसान होऊन तीन तरुणांना आपला जीव गमवावा लागला.
पोलिसांनी व नागरिकांनी जखमी अवस्थेत तरुणांना रुग्णालयात नेले. तेथे त्यांचा मृत्यू झाल्याचे डॉक्टरांनी घोषीत केले.
राजवर्धन हापसे हा तरुण अतिशय होतकरु व हुशार होता तो आर्टीटेकच्या शेवटच्या वर्षाला होता. पुणे येथून श्रीरामपुरकडे येत असताना त्याच्या दुचाकीला दोन दुचाकींची धडक बसून हा भीषण अपघात झाला. शोकाकूल वातावरणात राजवर्धन हापसे या तरुणावर अंत्यसंस्कार करण्यात आले. यावेळी अनेकांनी शोक व्यक्त करत हळहळ व्यक्त केली.
