शिवप्रहार न्यूज- बिबट्याच्या हल्ल्यात शेळ्या ठार…
Editor Chandu Aage 
बिबट्याच्या हल्ल्यात शेळ्या ठार…
मानोरी (प्रतिनिधी) - राहुरी तालुक्यातील मानोरी येथील शिवारात बिबट्याच्या हल्यात दोन शेळ्या ठार झाल्या आहेत. त्यामुळे शेतकरी वर्गात घबराट पसरली असुन वनविभागाने पिंजरा लावण्याची मागणी केली आहे.
गणपतवाडी शिवारातील आप्पासाहेब तनपुरे यांच्या घरासमोरील गोठ्यात बांधलेल्या शेळ्यांवर रात्रीच्या दरम्यान बिबट्याने हल्ला चढविला एक शेळी उसाच्या शेतात ओढुन नेली तर एक शेळी जखमी केली असुन त्यातच या दोन्ही शेळ्या ठार झाल्याची घटना घडली आहे.
सकाळी वनविभागाच्या कर्मचा-यांनी घटनेचा पंचनामा केला. दरम्यान या परीसरात गेल्या अनेक दिवसांपासून बिबट्यांचा मुक्त संचार आहे. त्यामुळे शेतक-यांमधे भीतीचे वातावरण पसरले आहे. बिबट्याला पकडण्यासाठी लवकरात लवकर पिंजरा लावावा अशी मागणी शेतकरी वर्गातुन होत आहे.
