शिवप्रहार न्यूज - युवकांनी शेतीबरोबर उद्योग-व्यवसायाकडे वळावे- हभप.बाळासाहेब महाराज रंजाळे
Editor Chandu Aage 
युवकांनी शेतीबरोबर उद्योग-व्यवसायाकडे वळावे- हभप.बाळासाहेब महाराज रंजाळे
श्रीरामपूर(गौरव डेंगळे): शिक्षण पूर्ण झाल्यानंतर बऱ्याच युवकांचा कल हा नोकरीकडे असतो, मात्र यामुळे व्यवसायात, छोट्या-मोठ्या उद्योगात असलेल्या संधी गमावतो. केवळ नोकरीच्या मागे न धावता उघड्या डोळ्यांनी उद्योगाच्या संधींकडे बघितले पाहिजे. युवकांनी व्यवसायात, व्यापारात भाग घेतला पाहिजे. तसेच युवकांनी निर्रव्यसनी बनले पाहिजे असे प्रतिपादन हभप.बाळासाहेब महाराज रंजाळे यांनी रॉयल्स मेन्स वेअर या कापड दुकानाच्या उद्घाटन प्रसंगी केले.
श्रीरामपूर तालुक्यातील खंडाळा गावातील उच्चशिक्षित युवक अक्षय डेंगळे व गौरव ढोकचौळे नोकरीच्या मागं न लागता आपला स्वतःचा व्यवसाय म्हणून रॉयल्स मेन्स वेअर कापड दुकानचा श्री गणेशा करण्याचा ठरवले व या दालनाचे नुकतेच उद्घाटन हभप.बाळासाहेब महाराज रंजाळे, हभप.माऊली महाराज गुंजाळ यांच्या हस्ते झाले.
यावेळी श्रीरामपूर शहरातील राजकीय क्षेत्र, शैक्षणिक क्षेत्र, क्रीडा क्षेत्र, सामाजिक क्षेत्र, पत्रकारिता क्षेत्र,
वैद्यकीय क्षेत्र आदी क्षेत्रातील मान्यवर उपस्थित राहून युवा उद्योजकांना प्रोत्साहन व शुभेच्छा दिल्या. या कार्यक्रमाचे सूत्रसंचालन जिल्ह्यातील प्रसिद्ध वाय जे अँकरिंगचे प्रियांका यादव यांनी केले.
