शिवप्रहार न्युज - गाडीत बस,माझ्याबरोबर चल नाहीतर तुझ्या दाजीला जीवे मारील …
Editor Chandu Aage 
गाडीत बस,माझ्याबरोबर चल नाहीतर तुझ्या दाजीला जीवे मारील …
राहुरी - शहरातील एका कॉलेजमध्ये एक अल्पवयीन तरुणी शिक्षण घेत असून ती गोटुंबे आखाडा परिसरात तिच्या बहिण व दाजीकडे राहावयास आहे.ही तरुणी कॉलेजला येत-जात असताना आरोपी राजन सुसे हा तिचा नेहमी पाठलाग करायचा.
मंगळवारी आरोपी राजन सुसे याने त्याच्या एम एच 17 ए जे 5707 या वाहनातून येत या तरुणीला गाडीत बस,माझ्यासोबत चल अन्यथा तुझ्या दाजीला जीवे मारील अशी धमकी देऊन तिचे अपहरण केले.त्यानंतर त्याने राहुरी बस स्टॅन्ड परिसरात तिला काही वेळानंतर सोडून दिले.
या प्रकरणी नातेवाईकांसह या तरुणीने पोलीस ठाणे गाठले आणि आरोपी विरोधात अपहरण व विनयभंगाचा गुन्हा दाखल केला आहे.या घटनेची शहर व परिसरात जोरदार चर्चा चालू असुन विद्यार्थिनींच्या पालकांमध्ये भीतीचे वातावरण निर्माण झाले आहे.
