शिवप्रहार न्युज - श्रीरामपुरातील बालिका हायस्कूल परिसरात हिंडणाऱ्या टवाळखोरांवर कारवाई करा...
Editor Chandu Aage 
श्रीरामपुरातील बालिका हायस्कूल परिसरात हिंडणाऱ्या टवाळखोरांवर कारवाई करा...
श्रीरामपूर -श्रीरामपूर शहरातील मध्यवर्ती भागात असणाऱ्या बालिका हायस्कूल या फक्त मुलींसाठी असलेल्या शाळेच्या परिसरामध्ये सध्या टवाळखोर पोरं,रोड रोमिओंची संख्या वाढलेली आहे.त्यामुळे यांचा बंदोबस्त करण्याची मागणी अनेक मुलींच्या पालकांकडून होत आहे.तसेच स्थानिक व्यावसायिक-व्यापाऱ्यांकडून देखील या टवाळखोरांवर पोलीस प्रशासनाने कारवाई करावी अशी मागणी होत आहे.बालिका हायस्कूल परिसर व त्याच्या आसपास असणाऱ्या चौकामध्ये हे टवाळखोर पोरं उभे राहतात.
त्यामुळे यातून छेडखानीचा अथवा इतर मोठा गंभीर प्रकार घडण्याची शक्यता नाकारता येत नाही तरी पोलीस प्रशासनाने त्यांचा तात्काळ बंदोबस्त करावा अशी या शाळेतील विद्यार्थिनींच्या काही चिंताग्रस्त पालकांचे आग्रहाचे म्हणणे आहे.
