शिवप्रहार न्युज - साडे १३ वर्षाच्या अल्पवयीन मुलीवर बलात्कार करुन केले गर्भवती; श्रीरामपुरातील धक्कादायक घटना..

साडे १३ वर्षाच्या अल्पवयीन मुलीवर बलात्कार करुन केले गर्भवती; श्रीरामपुरातील धक्कादायक घटना..

  श्रीरामपूर (शिवप्रहार न्यूज)- श्रीरामपूर शहर परिसरात एका भागात राहणाऱ्या साडेतेरा वर्षे वयाच्या अल्पवयीन मुलीवर तिला धमकावून, धाक दाखवून, दडपशाही करून तिच्यावर वेळोवेळी बळजबरीने बलात्कार केल्याची घटना समोर आली आहे. धक्कादायक बाब म्हणजे बलात्कार करणारा आरोपी हा अल्पवयीन असून तो इयत्ता दहावीत शिक्षण घेत असल्याचे समजते.त्याहून खळबळजनक प्रकार म्हणजे अल्पवयीन मुलीवर अत्याचार करण्यासाठी आरोपीचा साथीदार आरोपी आदित्य शिवाजी चौधरी वय-20 वर्ष राहणार - इंदिरानगर, श्रीरामपूर याने या गुन्ह्यात मदत केली.    

         तो अल्पवयीन मुलीला दुचाकीवर बसवून अत्याचार करणारा अल्पवयीन आरोपी याच्याकडे नेऊन सोडायचा. या सततच्या अत्याचारामुळे १३॥वर्षांची मुलगी गर्भवती झाली असून तीच्या लहानपणाचा व अज्ञानपणाचा भयंकर गैरफायदा उठवत हा लैंगीक अत्याचार करण्यात आला. या घटनेने मुलीला व तीच्या घरच्यांना धक्का बसला असून काल मुलीने दिलेल्या फिर्यादीवरून बलात्कार करणारा अल्पवयीन आरोपी अभि(नाव बदलले) व त्याला मदत करणारा आरोपी आदित्य शिवाजी चौधरी वय-20 वर्ष, रा-इंदिरानगर,श्रीरामपूर याच्याविरुद्ध भादंवी कलम ३७६ (२) ( एन), ३६६ बालकांचे लैगीक अत्याचार पासून संरक्षण पोस्को कायदा कलम ४, ६, ८, १२ प्रमाणे श्रीरामपूर शहर पोलीसांत गुन्हा दाखल करण्यात आला असून घटनास्थळी डीवायएसपी बसवराज शिवपुजे, पोनि.गवळी यांनी भेट दिली.     

       आरोपीला मदत करणाऱ्या आदित्य चौधरीला अटक करण्यात आली असून, फरार अल्पवयीन आरोपीचा शोध सुरु आहे. पुढील तपास पोसई देवरे या करीत आहे. या घटनेने श्रीरामपूर शहरात व पालक वर्गात खळबळ उडाली आहे.